೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೯೧. ಪೀತಿಸಹಗತಂ ಸರಣಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಸುಖಸಹಗತಂ ಸರಣಂ ಧಮ್ಮಂ ಪಟಿಚ್ಚ ಸುಖಸಹಗತೋ ಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಉಪೇಕ್ಖಾಸಹಗತಂ ಸರಣಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಪೀತಿಸಹಗತಂ ಸರಣಞ್ಚ ಸುಖಸಹಗತಂ ಸರಣಞ್ಚ ಧಮ್ಮಂ ಪಟಿಚ್ಚ ಪೀತಿಸಹಗತೋ ಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

ಹೇತುಯಾ ದಸ…ಪೇ… ಅವಿಗತೇ ದಸ (ಸಂಖಿತ್ತಂ).

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೯೨. ಪೀತಿಸಹಗತೋ ಸರಣೋ ಧಮ್ಮೋ ಪೀತಿಸಹಗತಸ್ಸ ಸರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಸುಖಸಹಗತೋ ಸರಣೋ ಧಮ್ಮೋ ಸುಖಸಹಗತಸ್ಸ ಸರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಉಪೇಕ್ಖಾಸಹಗತೋ ಸರಣೋ ಧಮ್ಮೋ ಉಪೇಕ್ಖಾಸಹಗತಸ್ಸ ಸರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಪೀತಿಸಹಗತೋ ಸರಣೋ ಚ ಸುಖಸಹಗತೋ ಸರಣೋ ಚ ಧಮ್ಮಾ ಪೀತಿಸಹಗತಸ್ಸ ಸರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ (ಸಂಖಿತ್ತಂ).

೯೩. ಹೇತುಯಾ ದಸ, ಆರಮ್ಮಣೇ ಸೋಳಸ…ಪೇ… ಅವಿಗತೇ ದಸ (ಸಂಖಿತ್ತಂ). (ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ).

೯೪. ಪೀತಿಸಹಗತಂ ಅರಣಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ದಸ…ಪೇ… ಅವಿಗತೇ ದಸ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ತತ್ತಕಾವ ಪಞ್ಹಾ.)