೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೪೮. ಕುಸಲಂ ನಿಯ್ಯಾನಿಕಂ ಧಮ್ಮಂ ಪಟಿಚ್ಚ ಕುಸಲೋ ನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ).

೪೯. ಕುಸಲಂ ಅನಿಯ್ಯಾನಿಕಂ ಧಮ್ಮಂ ಪಟಿಚ್ಚ ಕುಸಲೋ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಕುಸಲಂ ಅನಿಯ್ಯಾನಿಕಂ ಧಮ್ಮಂ ಪಟಿಚ್ಚ ಅಕುಸಲೋ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಬ್ಯಾಕತಂ ಅನಿಯ್ಯಾನಿಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಅನಿಯ್ಯಾನಿಕಞ್ಚ ಅಬ್ಯಾಕತಂ ಅನಿಯ್ಯಾನಿಕಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಅನಿಯ್ಯಾನಿಕಞ್ಚ ಅಬ್ಯಾಕತಂ ಅನಿಯ್ಯಾನಿಕಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅನಿಯ್ಯಾನಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೫೦. ಹೇತುಯಾ ನವ, ಆರಮ್ಮಣೇ ತೀಣಿ…ಪೇ… ಅವಿಗತೇ ನವ (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ).