೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೪೧. ಕುಸಲಂ ಪರಿಯಾಪನ್ನಂ ಧಮ್ಮಂ ಪಟಿಚ್ಚ ಕುಸಲೋ ಪರಿಯಾಪನ್ನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಕುಸಲಂ ಪರಿಯಾಪನ್ನಂ ಧಮ್ಮಂ ಪಟಿಚ್ಚ ಅಕುಸಲೋ ಪರಿಯಾಪನ್ನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಬ್ಯಾಕತಂ ಪರಿಯಾಪನ್ನಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಪರಿಯಾಪನ್ನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಪರಿಯಾಪನ್ನಞ್ಚ ಅಬ್ಯಾಕತಂ ಪರಿಯಾಪನ್ನಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಪರಿಯಾಪನ್ನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಪರಿಯಾಪನ್ನಞ್ಚ ಅಬ್ಯಾಕತಂ ಪರಿಯಾಪನ್ನಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಪರಿಯಾಪನ್ನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೪೨. ಹೇತುಯಾ ನವ, ಆರಮ್ಮಣೇ ತೀಣಿ…ಪೇ… ವಿಪಾಕೇ ಏಕಂ…ಪೇ… ಅವಿಗತೇ ನವ (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).

೪೩. ಕುಸಲೋ ಪರಿಯಾಪನ್ನೋ ಧಮ್ಮೋ ಕುಸಲಸ್ಸ ಪರಿಯಾಪನ್ನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಕುಸಲೋ ಪರಿಯಾಪನ್ನೋ ಧಮ್ಮೋ ಅಕುಸಲಸ್ಸ ಪರಿಯಾಪನ್ನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಪರಿಯಾಪನ್ನೋ ಧಮ್ಮೋ ಅಬ್ಯಾಕತಸ್ಸ ಪರಿಯಾಪನ್ನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೪೪. ಹೇತುಯಾ ಸತ್ತ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಅವಿಗತೇ ತೇರಸ (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ).

ಅಪರಿಯಾಪನ್ನಪದಂ

ಹೇತು-ಆರಮ್ಮಣಪಚ್ಚಯಾ

೪೫. ಕುಸಲಂ ಅಪರಿಯಾಪನ್ನಂ ಧಮ್ಮಂ ಪಟಿಚ್ಚ ಕುಸಲೋ ಅಪರಿಯಾಪನ್ನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಅಪರಿಯಾಪನ್ನಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಪರಿಯಾಪನ್ನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ದ್ವೇ, ಆರಮ್ಮಣೇ ದ್ವೇ…ಪೇ… ಅವಿಗತೇ ದ್ವೇ (ಸಂಖಿತ್ತಂ.) (ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).

೪೬. ಕುಸಲೋ ಅಪರಿಯಾಪನ್ನೋ ಧಮ್ಮೋ ಕುಸಲಸ್ಸ ಅಪರಿಯಾಪನ್ನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಬ್ಯಾಕತೋ ಅಪರಿಯಾಪನ್ನೋ ಧಮ್ಮೋ ಅಬ್ಯಾಕತಸ್ಸ ಅಪರಿಯಾಪನ್ನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಬ್ಯಾಕತೋ ಅಪರಿಯಾಪನ್ನೋ ಧಮ್ಮೋ ಅಬ್ಯಾಕತಸ್ಸ ಅಪರಿಯಾಪನ್ನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ಅಪರಿಯಾಪನ್ನೋ ಧಮ್ಮೋ ಕುಸಲಸ್ಸ ಅಪರಿಯಾಪನ್ನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

೪೭. ಹೇತುಯಾ ದ್ವೇ, ಆರಮ್ಮಣೇ ದ್ವೇ, ಅಧಿಪತಿಯಾ ತೀಣಿ, ಅನನ್ತರೇ ದ್ವೇ…ಪೇ… ಉಪನಿಸ್ಸಯೇ ಚತ್ತಾರಿ…ಪೇ… ಅವಿಗತೇ ದ್ವೇ. (ಸಂಖಿತ್ತಂ.)

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)