೭. ಪಞ್ಹಾವಾರೋ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೫೪. ಹೇತು ಅಬ್ಯಾಕತೋ ಧಮ್ಮೋ ಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಹೇತು ಅಬ್ಯಾಕತೋ ಧಮ್ಮೋ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಹೇತು ಅಬ್ಯಾಕತೋ ಧಮ್ಮೋ ಹೇತುಸ್ಸ ಅಬ್ಯಾಕತಸ್ಸ ಚ ನಹೇತುಸ್ಸ ಅಬ್ಯಾಕತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೩)

ಆರಮ್ಮಣಪಚ್ಚಯಾದಿ

೫೫. ಹೇತು ಅಬ್ಯಾಕತೋ ಧಮ್ಮೋ ಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ನವ.

೫೬. ಹೇತು ಅಬ್ಯಾಕತೋ ಧಮ್ಮೋ ಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ… ತೀಣಿ.

ನಹೇತು ಅಬ್ಯಾಕತೋ ಧಮ್ಮೋ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ… ತೀಣಿ.

ಹೇತು ಅಬ್ಯಾಕತೋ ಚ ನಹೇತು ಅಬ್ಯಾಕತೋ ಚ ಧಮ್ಮಾ ಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ… ತೀಣಿ…ಪೇ….

ಪುರೇಜಾತಪಚ್ಚಯಾದಿ

೫೭. ನಹೇತು ಅಬ್ಯಾಕತೋ ಧಮ್ಮೋ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ… ತೀಣಿ.

೫೮. ಹೇತು ಅಬ್ಯಾಕತೋ ಧಮ್ಮೋ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ನಹೇತು ಅಬ್ಯಾಕತೋ ಧಮ್ಮೋ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಹೇತು ಅಬ್ಯಾಕತೋ ಚ ನಹೇತು ಅಬ್ಯಾಕತೋ ಚ ಧಮ್ಮಾ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

೫೯. ನಹೇತು ಅಬ್ಯಾಕತೋ ಧಮ್ಮೋ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ… ತೀಣಿ.

೬೦. ಹೇತು ಅಬ್ಯಾಕತೋ ಧಮ್ಮೋ ಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ… ನವ.

೬೧. ನಹೇತು ಅಬ್ಯಾಕತೋ ಧಮ್ಮೋ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಝಾನಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ.

ವಿಪ್ಪಯುತ್ತಪಚ್ಚಯೋ

೬೨. ಹೇತು ಅಬ್ಯಾಕತೋ ಧಮ್ಮೋ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ನಹೇತು ಅಬ್ಯಾಕತೋ ಧಮ್ಮೋ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ… ತೀಣಿ.

ಹೇತು ಅಬ್ಯಾಕತೋ ಚ ನಹೇತು ಅಬ್ಯಾಕತೋ ಚ ಧಮ್ಮಾ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೬೩. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ನವ, ಕಮ್ಮೇ ತೀಣಿ, ವಿಪಾಕೇ ನವ, ಆಹಾರೇ ತೀಣಿ, ಇನ್ದ್ರಿಯೇ ನವ, ಝಾನೇ ತೀಣಿ, ಮಗ್ಗೇ ನವ, ಸಮ್ಪಯುತ್ತೇ ನವ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ.

ಪಚ್ಚನೀಯುದ್ಧಾರೋ

೬೪. ಹೇತು ಅಬ್ಯಾಕತೋ ಧಮ್ಮೋ ಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಹೇತು ಅಬ್ಯಾಕತೋ ಧಮ್ಮೋ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ. ಹೇತು ಅಬ್ಯಾಕತೋ ಧಮ್ಮೋ ಹೇತುಸ್ಸ ಅಬ್ಯಾಕತಸ್ಸ ಚ ನಹೇತುಸ್ಸ ಅಬ್ಯಾಕತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೬೫. ನಹೇತು ಅಬ್ಯಾಕತೋ ಧಮ್ಮೋ ನಹೇತುಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ.

೬೬. ನಹೇತುಯಾ ನವ, ನಆರಮ್ಮಣೇ ನವ, ನಅಧಿಪತಿಯಾ ನವ (ಸಂಖಿತ್ತಂ, ಪಚ್ಚನೀಯಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ, ಅನುಲೋಮಪಚ್ಚನೀಯಂ).

ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ, ಪಚ್ಚನೀಯಾನುಲೋಮಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಸ್ಸ ಅನುಲೋಮಮ್ಪಿ ಪಚ್ಚನೀಯಮ್ಪಿ ಅನುಲೋಮಪಚ್ಚನೀಯಮ್ಪಿ ಪಚ್ಚನೀಯಾನುಲೋಮಮ್ಪಿ ಗಣಿತಂ, ಏವಂ ಗಣೇತಬ್ಬಂ.)

ಹೇತುದುಕಕುಸಲತ್ತಿಕಂ ನಿಟ್ಠಿತಂ.