೧-೬. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೨೭. ಹೇತುಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತು ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಅಕುಸಲಂ ಧಮ್ಮಂ ಪಟಿಚ್ಚ ನಹೇತು ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತು ಅಕುಸಲೋ ಚ ನಹೇತು ಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

೨೮. ನಹೇತುಂ ಅಕುಸಲಂ ಧಮ್ಮಂ ಪಟಿಚ್ಚ ನಹೇತು ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತು ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತು ಅಕುಸಲೋ ಚ ನಹೇತು ಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

೨೯. ಹೇತುಂ ಅಕುಸಲಞ್ಚ ನಹೇತುಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಹೇತು ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಅಕುಸಲಞ್ಚ ನಹೇತುಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ನಹೇತು ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಅಕುಸಲಞ್ಚ ನಹೇತುಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಹೇತು ಅಕುಸಲೋ ಚ ನಹೇತು ಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

೩೦. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಕಮ್ಮೇ ನವ, ಆಹಾರೇ ನವ…ಪೇ… ಅವಿಗತೇ ನವ (ಸಂಖಿತ್ತಂ, ಅನುಲೋಮಂ).

ನಹೇತುಪಚ್ಚಯೋ

೩೧. ನಹೇತುಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತು ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧)

ನಅಧಿಪತಿಪಚ್ಚಯಾದಿ

೩೨. ಹೇತುಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತು ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… ನವ…ಪೇ….

ಹೇತುಂ ಅಕುಸಲಂ ಧಮ್ಮಂ ಪಟಿಚ್ಚ ನಹೇತು ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ. (೧)

ನಹೇತುಂ ಅಕುಸಲಂ ಧಮ್ಮಂ ಪಟಿಚ್ಚ ನಹೇತು ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ. (೧)

ಹೇತುಂ ಅಕುಸಲಞ್ಚ ನಹೇತುಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ನಹೇತು ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ. (೧) (ಸಂಖಿತ್ತಂ.)

೩೩. ನಹೇತುಯಾ ಏಕಂ, ನಅಧಿಪತಿಯಾ ನವ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನವಿಪ್ಪಯುತ್ತೇ ನವ (ಪಚ್ಚನೀಯಂ).

ಹೇತುಪಚ್ಚಯಾ ನಅಧಿಪತಿಯಾ ನವ (ಸಂಖಿತ್ತಂ, ಅನುಲೋಮಪಚ್ಚನೀಯಂ).

ನಹೇತುಪಚ್ಚಯಾ ಆರಮ್ಮಣೇ ಏಕಂ (ಸಂಖಿತ್ತಂ, ಪಚ್ಚನೀಯಾನುಲೋಮಂ).

(ಸಹಜಾತವಾರಮ್ಪಿ ಪಚ್ಚಯವಾರಮ್ಪಿ ನಿಸ್ಸಯವಾರಮ್ಪಿ ಸಂಸಟ್ಠವಾರಮ್ಪಿ ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಾ ವಿತ್ಥಾರೇತಬ್ಬಾ.)