೧-೬. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೧೯೪. ಹೇತುಂ ಅಸಂಕಿಲಿಟ್ಠಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಹೇತು ಅಸಂಕಿಲಿಟ್ಠಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನಹೇತುಂ ಅಸಂಕಿಲಿಟ್ಠಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ನಹೇತು ಅಸಂಕಿಲಿಟ್ಠಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಹೇತುಂ ಅಸಂಕಿಲಿಟ್ಠಸಂಕಿಲೇಸಿಕಞ್ಚ ನಹೇತುಂ ಅಸಂಕಿಲಿಟ್ಠಸಂಕಿಲೇಸಿಕಞ್ಚ ಧಮ್ಮಂ ಪಟಿಚ್ಚ ಹೇತು ಅಸಂಕಿಲಿಟ್ಠಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೧೯೫. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನಹೇತುಪಚ್ಚಯೋ

೧೯೬. ನಹೇತು ಅಸಂಕಿಲಿಟ್ಠಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ನಹೇತು ಅಸಂಕಿಲಿಟ್ಠಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ (ಸಂಖಿತ್ತಂ).

೧೯೭. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ನವ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ಏಕಂ (ಸಂಖಿತ್ತಂ).

(ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ ವಿತ್ಥಾರೇತಬ್ಬಾ.)