೧-೬. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೧೦೮. ಹೇತುಂ ವಿಪಾಕಂ ಧಮ್ಮಂ ಪಟಿಚ್ಚ ಹೇತು ವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ವಿಪಾಕಂ ಧಮ್ಮಂ ಪಟಿಚ್ಚ ನಹೇತು ವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ವಿಪಾಕಂ ಧಮ್ಮಂ ಪಟಿಚ್ಚ ಹೇತು ವಿಪಾಕೋ ಚ ನಹೇತು ವಿಪಾಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ನಹೇತುಂ ವಿಪಾಕಂ ಧಮ್ಮಂ ಪಟಿಚ್ಚ ನಹೇತು ವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಹೇತುಂ ವಿಪಾಕಞ್ಚ ನಹೇತುಂ ವಿಪಾಕಞ್ಚ ಧಮ್ಮಂ ಪಟಿಚ್ಚ ಹೇತು ವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೧೦೯. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ನವ, ಕಮ್ಮೇ ನವ, ವಿಪಾಕೇ ನವ, ಆಹಾರೇ ನವ, ಇನ್ದ್ರಿಯೇ ನವ, ಝಾನೇ ನವ, ಮಗ್ಗೇ ನವ, ಸಮ್ಪಯುತ್ತೇ ನವ, ವಿಪ್ಪಯುತ್ತೇ ನವ ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ. (ಅನುಲೋಮಂ).

ನಹೇತು-ನಅಧಿಪತಿಪಚ್ಚಯಾ

೧೧೦. ನಹೇತುಂ ವಿಪಾಕಂ ಧಮ್ಮಂ ಪಟಿಚ್ಚ ನಹೇತು ವಿಪಾಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧)

೧೧೧. ಹೇತುಂ ವಿಪಾಕಂ ಧಮ್ಮಂ ಪಟಿಚ್ಚ ಹೇತು ವಿಪಾಕೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ (ಸಂಖಿತ್ತಂ).

೧೧೨. ನಹೇತುಯಾ ಏಕಂ, ನಅಧಿಪತಿಯಾ ನವ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ನವ (ಸಂಖಿತ್ತಂ, ಪಚ್ಚನೀಯಂ).

ಹೇತುಪಚ್ಚಯಾ ನಅಧಿಪತಿಯಾ ನವ (ಸಂಖಿತ್ತಂ, ಅನುಲೋಮಪಚ್ಚನೀಯಂ).

ನಹೇತುಪಚ್ಚಯಾ ಆರಮ್ಮಣೇ ಏಕಂ (ಸಂಖಿತ್ತಂ, ಪಚ್ಚನೀಯಾನುಲೋಮಂ).

(ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ ವಿತ್ಥಾರೇತಬ್ಬಾ.)