೧-೬. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತು-ಆರಮ್ಮಣಪಚ್ಚಯಾ

೪೨೯. ಹೇತುಂ ಮಿಚ್ಛತ್ತನಿಯತಂ ಧಮ್ಮಂ ಪಟಿಚ್ಚ ಹೇತು ಮಿಚ್ಛತ್ತನಿಯತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನಹೇತುಂ ಮಿಚ್ಛತ್ತನಿಯತಂ ಧಮ್ಮಂ ಪಟಿಚ್ಚ ನಹೇತು ಮಿಚ್ಛತ್ತನಿಯತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಹೇತುಂ ಮಿಚ್ಛತ್ತನಿಯತಞ್ಚ ನಹೇತುಂ ಮಿಚ್ಛತ್ತನಿಯತಞ್ಚ ಧಮ್ಮಂ ಪಟಿಚ್ಚ ಹೇತು ಮಿಚ್ಛತ್ತನಿಯತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಹೇತುಂ ಮಿಚ್ಛತ್ತನಿಯತಂ ಧಮ್ಮಂ ಪಟಿಚ್ಚ ಹೇತು ಮಿಚ್ಛತ್ತನಿಯತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ (ಸಂಖಿತ್ತಂ).

೪೩೦. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ನವ, ಆಸೇವನೇ ನವ, ಕಮ್ಮೇ ನವ, ಆಹಾರೇ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನಅಧಿಪತಿಪಚ್ಚಯೋ

೪೩೧. ಹೇತುಂ ಮಿಚ್ಛತ್ತನಿಯತಂ ಧಮ್ಮಂ ಪಟಿಚ್ಚ ನಹೇತು ಮಿಚ್ಛತ್ತನಿಯತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ (ಸಂಖಿತ್ತಂ).

೪೩೨. ನಅಧಿಪತಿಯಾ ತೀಣಿ, ನಪಚ್ಛಾಜಾತೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ (ಸಂಖಿತ್ತಂ).

ಹೇತುಪಚ್ಚಯಾ ನಅಧಿಪತಿಯಾ ತೀಣಿ (ಸಂಖಿತ್ತಂ).

ನಅಧಿಪತಿಪಚ್ಚಯಾ ಹೇತುಯಾ ತೀಣಿ (ಸಂಖಿತ್ತಂ).

(ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ ವಿತ್ಥಾರೇತಬ್ಬಾ.)