೭. ಪಞ್ಹಾವಾರೋ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೭೪. ಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಆರಮ್ಮಣಪಚ್ಚಯಾದಿ

೭೫. ಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ನಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ನಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಚ ನಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

೭೬. ಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ… ತೀಣಿ.

ನಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ನಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ… ತೀಣಿ.

ಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಚ ನಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ… ತೀಣಿ…ಪೇ….

ಉಪನಿಸ್ಸಯಪಚ್ಚಯಾದಿ

೭೭. ಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ… ನವ (ಸಂಖಿತ್ತಂ).

೭೮. ನಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ನಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ. ನಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ. ನಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಚ ನಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ. (೩)

…ವಿಪಾಕಪಚ್ಚಯೇನ ಪಚ್ಚಯೋ.

೭೯. ನಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ನಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ತೀಣಿ…ಪೇ…. ಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಅವಿಗತಪಚ್ಚಯೇನ ಪಚ್ಚಯೋ.

೮೦. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಆಸೇವನೇ ನವ, ಕಮ್ಮೇ ತೀಣಿ, ವಿಪಾಕೇ ನವ, ಆಹಾರೇ ತೀಣಿ, ಇನ್ದ್ರಿಯೇ ನವ, ಝಾನೇ ತೀಣಿ, ಮಗ್ಗೇ ನವ, ಸಮ್ಪಯುತ್ತೇ ನವ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ.

ಪಚ್ಚನೀಯುದ್ಧಾರೋ

೮೧. ಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಹೇತುಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೮೨. ನಹೇತುಯಾ ನವ, ನಆರಮ್ಮಣೇ ನವ…ಪೇ… ನೋಅವಿಗತೇ ನವ (ಪಚ್ಚನೀಯಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ, ಅನುಲೋಮಪಚ್ಚನೀಯಂ).

ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ, ಪಚ್ಚನೀಯಾನುಲೋಮಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಸ್ಸ ಅನುಲೋಮಮ್ಪಿ ಪಚ್ಚನೀಯಮ್ಪಿ ಅನುಲೋಮಪಚ್ಚನೀಯಮ್ಪಿ ಪಚ್ಚನೀಯಾನುಲೋಮಮ್ಪಿ ಗಣಿತಂ, ಏವಂ ಗಣೇತಬ್ಬಂ.)