೧-೬. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೩೪೬. ಹೇತುಂ ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ಹೇತು ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನಹೇತುಂ ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನಹೇತು ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಹೇತುಂ ನೇವಸೇಕ್ಖನಾಸೇಕ್ಖಞ್ಚ ನಹೇತುಂ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ಹೇತು ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೩೪೭. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ನವ, ಆಸೇವನೇ ನವ, ಕಮ್ಮೇ ನವ, ವಿಪಾಕೇ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನಹೇತು-ನಆರಮ್ಮಣಪಚ್ಚಯಾದಿ

೩೪೮. ನಹೇತುಂ ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನಹೇತು ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. ನಹೇತುಂ ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ಹೇತು ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೨)

ಹೇತುಂ ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನಹೇತು ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. (೧)

ನಹೇತುಂ ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನಹೇತು ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. (೧)

ಹೇತುಂ ನೇವಸೇಕ್ಖನಾಸೇಕ್ಖಞ್ಚ ನಹೇತುಂ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನಹೇತು ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. (೧)

೩೪೯. ಹೇತುಂ ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ಹೇತು ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ…ಪೇ….

ಹೇತುಂ ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ಹೇತು ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ… ತೀಣಿ (ಸಂಖಿತ್ತಂ).

೩೫೦. ನಹೇತುಯಾ ದ್ವೇ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ನವ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ದ್ವೇ (ಸಂಖಿತ್ತಂ).

(ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ ವಿತ್ಥಾರೇತಬ್ಬಾ.)