೨. ಸಙ್ಖ್ಯಾವಾರೋ

೨೯೩. ಹೇತುಯಾ ಚತ್ತಾರಿ, ಆರಮ್ಮಣೇ ತೀಣಿ, ಅಧಿಪತಿಯಾ ಚತ್ತಾರಿ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಪಚ್ಛಾಜಾತೇ ದ್ವೇ, ಆಸೇವನೇ ತೀಣಿ, ಕಮ್ಮೇ ಚತ್ತಾರಿ, ವಿಪಾಕೇ ದ್ವೇ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ನತ್ಥಿಯಾ ಚತ್ತಾರಿ, ವಿಗತೇ ಚತ್ತಾರಿ, ಅವಿಗತೇ ಸತ್ತ.

ಪಚ್ಚನೀಯುದ್ಧಾರೋ

೨೯೪. ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ. ಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಚ ನಅರೂಪಾವಚರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ. (೩)

೨೯೫. ನಅರೂಪಾವಚರೋ ಧಮ್ಮೋ ನಅರೂಪಾವಚರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. ನಅರೂಪಾವಚರೋ ಧಮ್ಮೋ ಅರೂಪಾವಚರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೨)

ಅರೂಪಾವಚರೋ ಚ ನಅರೂಪಾವಚರೋ ಚ ಧಮ್ಮಾ ಅರೂಪಾವಚರಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ. ಅರೂಪಾವಚರೋ ಚ ನಅರೂಪಾವಚರೋ ಚ ಧಮ್ಮಾ ನಅರೂಪಾವಚರಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. (೨)