೧-೭. ಪಟಿಚ್ಚವಾರಾದಿ

ಹೇತು-ಆರಮ್ಮಣಪಚ್ಚಯಾ

೧೪. ಅಕುಸಲಂ ಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಅಕುಸಲೋ ಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೧೫. ಕುಸಲಂ ಅಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಕುಸಲೋ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಅಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಅಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಕುಸಲೋ ಅಸಂಕಿಲಿಟ್ಠೋ ಚ ಅಬ್ಯಾಕತೋ ಅಸಂಕಿಲಿಟ್ಠೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಅಬ್ಯಾಕತಂ ಅಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಅಸಂಕಿಲಿಟ್ಠಞ್ಚ ಅಬ್ಯಾಕತಂ ಅಸಂಕಿಲಿಟ್ಠಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೨)

೧೬. ಕುಸಲಂ ಅಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಕುಸಲೋ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)

ಅಬ್ಯಾಕತಂ ಅಸಂಕಿಲಿಟ್ಠಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಸಂಕಿಲಿಟ್ಠೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧) (ಸಂಖಿತ್ತಂ.)

೧೭. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅಧಿಪತಿಯಾ ಪಞ್ಚ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).

೧೮. ಕುಸಲೋ ಅಸಂಕಿಲಿಟ್ಠೋ ಧಮ್ಮೋ ಕುಸಲಸ್ಸ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಅಸಂಕಿಲಿಟ್ಠೋ ಧಮ್ಮೋ ಅಬ್ಯಾಕತಸ್ಸ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಕುಸಲೋ ಅಸಂಕಿಲಿಟ್ಠೋ ಧಮ್ಮೋ ಕುಸಲಸ್ಸ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ದ್ವೇ.

ಅಬ್ಯಾಕತೋ ಅಸಂಕಿಲಿಟ್ಠೋ ಧಮ್ಮೋ ಅಬ್ಯಾಕತಸ್ಸ ಅಸಂಕಿಲಿಟ್ಠಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ದ್ವೇ (ಸಂಖಿತ್ತಂ).

೧೯. ಹೇತುಯಾ ಚತ್ತಾರಿ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ, ಅನನ್ತರೇ ಚತ್ತಾರಿ…ಪೇ… ಉಪನಿಸ್ಸಯೇ ಚತ್ತಾರಿ…ಪೇ… ಅವಿಗತೇ ಸತ್ತ (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ).