೧-೭. ಪಟಿಚ್ಚವಾರಾದಿ

ಹೇತುಪಚ್ಚಯೋ

೩೦. ಕುಸಲಂ ಕಿಲೇಸವಿಪ್ಪಯುತ್ತಂ ಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಕುಸಲೋ ಕಿಲೇಸವಿಪ್ಪಯುತ್ತೋ ಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಕಿಲೇಸವಿಪ್ಪಯುತ್ತಂ ಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಕಿಲೇಸವಿಪ್ಪಯುತ್ತೋ ಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಕಿಲೇಸವಿಪ್ಪಯುತ್ತಂ ಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಕುಸಲೋ ಕಿಲೇಸವಿಪ್ಪಯುತ್ತೋ ಸಂಕಿಲೇಸಿಕೋ ಚ ಅಬ್ಯಾಕತೋ ಕಿಲೇಸವಿಪ್ಪಯುತ್ತೋ ಸಂಕಿಲೇಸಿಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಅಬ್ಯಾಕತಂ ಕಿಲೇಸವಿಪ್ಪಯುತ್ತಂ ಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಕಿಲೇಸವಿಪ್ಪಯುತ್ತೋ ಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಕಿಲೇಸವಿಪ್ಪಯುತ್ತಂ ಸಂಕಿಲೇಸಿಕಞ್ಚ ಅಬ್ಯಾಕತಂ ಕಿಲೇಸವಿಪ್ಪಯುತ್ತಂ ಸಂಕಿಲೇಸಿಕಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಕಿಲೇಸವಿಪ್ಪಯುತ್ತೋ ಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೩೧. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).

೩೨. ಕುಸಲೋ ಕಿಲೇಸವಿಪ್ಪಯುತ್ತೋ ಸಂಕಿಲೇಸಿಕೋ ಧಮ್ಮೋ ಕುಸಲಸ್ಸ ಕಿಲೇಸವಿಪ್ಪಯುತ್ತಸ್ಸ ಸಂಕಿಲೇಸಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಕಿಲೇಸವಿಪ್ಪಯುತ್ತೋ ಸಂಕಿಲೇಸಿಕೋ ಧಮ್ಮೋ ಅಬ್ಯಾಕತಸ್ಸ ಕಿಲೇಸವಿಪ್ಪಯುತ್ತಸ್ಸ ಸಂಕಿಲೇಸಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೩೩. ಹೇತುಯಾ ಚತ್ತಾರಿ, ಆರಮ್ಮಣೇ ಚತ್ತಾರಿ…ಪೇ… ಅವಿಗತೇ ಸತ್ತ (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ).

೩೪. ಕುಸಲಂ ಕಿಲೇಸವಿಪ್ಪಯುತ್ತಂ ಅಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಕುಸಲೋ ಕಿಲೇಸವಿಪ್ಪಯುತ್ತೋ ಅಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

ಅಬ್ಯಾಕತಂ ಕಿಲೇಸವಿಪ್ಪಯುತ್ತಂ ಅಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಕಿಲೇಸವಿಪ್ಪಯುತ್ತೋ ಅಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

ಹೇತುಯಾ ದ್ವೇ…ಪೇ… ಅವಿಗತೇ ದ್ವೇ (ಸಂಖಿತ್ತಂ. ಸಹಜಾತವಾರಮ್ಪಿ …ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).

೩೫. ಕುಸಲೋ ಕಿಲೇಸವಿಪ್ಪಯುತ್ತೋ ಅಸಂಕಿಲೇಸಿಕೋ ಧಮ್ಮೋ ಕುಸಲಸ್ಸ ಕಿಲೇಸವಿಪ್ಪಯುತ್ತಸ್ಸ ಅಸಂಕಿಲೇಸಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಬ್ಯಾಕತೋ ಕಿಲೇಸವಿಪ್ಪಯುತ್ತೋ ಅಸಂಕಿಲೇಸಿಕೋ ಧಮ್ಮೋ ಅಬ್ಯಾಕತಸ್ಸ ಕಿಲೇಸವಿಪ್ಪಯುತ್ತಸ್ಸ ಅಸಂಕಿಲೇಸಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೩೬. ಹೇತುಯಾ ದ್ವೇ, ಆರಮ್ಮಣೇ ದ್ವೇ, ಅಧಿಪತಿಯಾ ತೀಣಿ, ಅನನ್ತರೇ ದ್ವೇ…ಪೇ… ಉಪನಿಸ್ಸಯೇ ಚತ್ತಾರಿ…ಪೇ… ಅವಿಗತೇ ದ್ವೇ (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ).

ಕುಸಲತ್ತಿಕಕಿಲೇಸಗೋಚ್ಛಕಂ ನಿಟ್ಠಿತಂ.