೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೧೮. ಅಬ್ಯಾಕತಂ ಅಜ್ಝತ್ತಿಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಜ್ಝತ್ತಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಸಹಜಾತೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೧೯. ಕುಸಲೋ ಅಜ್ಝತ್ತಿಕೋ ಧಮ್ಮೋ ಕುಸಲಸ್ಸ ಅಜ್ಝತ್ತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಕುಸಲೋ ಅಜ್ಝತ್ತಿಕೋ ಧಮ್ಮೋ ಅಕುಸಲಸ್ಸ ಅಜ್ಝತ್ತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಕುಸಲೋ ಅಜ್ಝತ್ತಿಕೋ ಧಮ್ಮೋ ಅಬ್ಯಾಕತಸ್ಸ ಅಜ್ಝತ್ತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಅಕುಸಲೋ ಅಜ್ಝತ್ತಿಕೋ ಧಮ್ಮೋ ಅಕುಸಲಸ್ಸ ಅಜ್ಝತ್ತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಅಜ್ಝತ್ತಿಕೋ ಧಮ್ಮೋ ಅಬ್ಯಾಕತಸ್ಸ ಅಜ್ಝತ್ತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಸಂಖಿತ್ತಂ).

೨೦. ಆರಮ್ಮಣೇ ನವ, ಪುರೇಜಾತೇ ತೀಣಿ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ).

೨೧. ಕುಸಲಂ ಬಾಹಿರಂ ಧಮ್ಮಂ ಪಟಿಚ್ಚ ಕುಸಲೋ ಬಾಹಿರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ನವ, ಆರಮ್ಮಣೇ ತೀಣಿ…ಪೇ… ವಿಪಾಕೇ ಏಕಂ…ಪೇ… ಅವಿಗತೇ ನವ (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).

೨೨. ಕುಸಲೋ ಬಾಹಿರೋ ಧಮ್ಮೋ ಕುಸಲಸ್ಸ ಬಾಹಿರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

ಹೇತುಯಾ ಸತ್ತ, ಆರಮ್ಮಣೇ ನವ…ಪೇ… ಅವಿಗತೇ ತೇರಸ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)