೧-೭. ಪಟಿಚ್ಚವಾರಾದಿ

೧೧. ಕುಸಲಂ ಚೇತಸಿಕಂ ಧಮ್ಮಂ ಪಟಿಚ್ಚ ಕುಸಲೋ ಚೇತಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಚೇತಸಿಕಂ ಧಮ್ಮಂ ಪಟಿಚ್ಚ ಅಕುಸಲೋ ಚೇತಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಚೇತಸಿಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಚೇತಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೧೨. ಹೇತುಯಾ ತೀಣಿ, ಆರಮ್ಮಣೇ ತೀಣಿ…ಪೇ… (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).

೧೩. ಕುಸಲೋ ಚೇತಸಿಕೋ ಧಮ್ಮೋ ಕುಸಲಸ್ಸ ಚೇತಸಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಕುಸಲೋ ಚೇತಸಿಕೋ ಧಮ್ಮೋ ಅಕುಸಲಸ್ಸ ಚೇತಸಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಬ್ಯಾಕತೋ ಚೇತಸಿಕೋ ಧಮ್ಮೋ ಅಬ್ಯಾಕತಸ್ಸ ಚೇತಸಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಕುಸಲೋ ಚೇತಸಿಕೋ ಧಮ್ಮೋ ಕುಸಲಸ್ಸ ಚೇತಸಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಅಕುಸಲೋ ಚೇತಸಿಕೋ ಧಮ್ಮೋ ಅಕುಸಲಸ್ಸ ಚೇತಸಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಚೇತಸಿಕೋ ಧಮ್ಮೋ ಅಬ್ಯಾಕತಸ್ಸ ಚೇತಸಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಸಂಖಿತ್ತಂ).

೧೪. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ಸತ್ತ…ಪೇ… ಅವಿಗತೇ ತೀಣಿ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)

೧೫. ಕುಸಲಂ ಅಚೇತಸಿಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಚೇತಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಅಚೇತಸಿಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಚೇತಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಅಚೇತಸಿಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಚೇತಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಅಚೇತಸಿಕಞ್ಚ ಅಬ್ಯಾಕತಂ ಅಚೇತಸಿಕಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಚೇತಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಅಚೇತಸಿಕಞ್ಚ ಅಬ್ಯಾಕತಂ ಅಚೇತಸಿಕಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಚೇತಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೧೬. ಹೇತುಯಾ ಪಞ್ಚ, ಆರಮ್ಮಣೇ ಏಕಂ…ಪೇ… ಅವಿಗತೇ ಪಞ್ಚ.

ನಹೇತುಯಾ ಏಕಂ, ನಆರಮ್ಮಣೇ ಪಞ್ಚ, ನೋವಿಗತೇ ಪಞ್ಚ.

(ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ಏವಂ ವಿತ್ಥಾರೇತಬ್ಬಂ.)