೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೨೪. ಅಕುಸಲಂ ಆಸವಞ್ಚೇವ ಆಸವಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಅಕುಸಲೋ ಆಸವೋ ಚೇವ ಆಸವಸಮ್ಪಯುತ್ತೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಸಮ್ಪಯುತ್ತವಾರೇಪಿ ಪಞ್ಹಾವಾರೇಪಿ ಸಬ್ಬತ್ಥ ಏಕಂ).

೨೫. ಅಕುಸಲಂ ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ಅಕುಸಲೋ ಆಸವಸಮ್ಪಯುತ್ತೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಸಮ್ಪಯುತ್ತವಾರೇಪಿ ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೨೬. ಕುಸಲಂ ಆಸವವಿಪ್ಪಯುತ್ತಂ ಸಾಸವಂ ಧಮ್ಮಂ ಪಟಿಚ್ಚ ಕುಸಲೋ ಆಸವವಿಪ್ಪಯುತ್ತೋ ಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಕುಸಲಂ ಆಸವವಿಪ್ಪಯುತ್ತಂ ಸಾಸವಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಆಸವವಿಪ್ಪಯುತ್ತೋ ಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಆಸವವಿಪ್ಪಯುತ್ತಂ ಸಾಸವಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಆಸವವಿಪ್ಪಯುತ್ತೋ ಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಆಸವವಿಪ್ಪಯುತ್ತಂ ಸಾಸವಞ್ಚ ಅಬ್ಯಾಕತಂ ಆಸವವಿಪ್ಪಯುತ್ತಂ ಸಾಸವಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಆಸವವಿಪ್ಪಯುತ್ತೋ ಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಆಸವವಿಪ್ಪಯುತ್ತಂ ಸಾಸವಞ್ಚ ಅಬ್ಯಾಕತಂ ಆಸವವಿಪ್ಪಯುತ್ತಂ ಸಾಸವಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಆಸವವಿಪ್ಪಯುತ್ತೋ ಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೨೭. ಹೇತುಯಾ ಸತ್ತ, ಆರಮ್ಮಣೇ ದ್ವೇ…ಪೇ… ಅವಿಗತೇ ಸತ್ತ (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).

೨೮. ಕುಸಲೋ ಆಸವವಿಪ್ಪಯುತ್ತೋ ಸಾಸವೋ ಧಮ್ಮೋ ಕುಸಲಸ್ಸ ಆಸವವಿಪ್ಪಯುತ್ತಸ್ಸ ಸಾಸವಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಕುಸಲೋ ಆಸವವಿಪ್ಪಯುತ್ತೋ ಸಾಸವೋ ಧಮ್ಮೋ ಅಬ್ಯಾಕತಸ್ಸ ಆಸವವಿಪ್ಪಯುತ್ತಸ್ಸ ಸಾಸವಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಬ್ಯಾಕತೋ ಆಸವವಿಪ್ಪಯುತ್ತೋ ಸಾಸವೋ ಧಮ್ಮೋ ಅಬ್ಯಾಕತಸ್ಸ ಆಸವವಿಪ್ಪಯುತ್ತಸ್ಸ ಸಾಸವಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೨೯. ಹೇತುಯಾ ಪಞ್ಚ, ಆರಮ್ಮಣೇ ನವ, ಅಧಿಪತಿಯಾ ಚತ್ತಾರಿ…ಪೇ… ಅವಿಗತೇ ದಸ (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ).