೧-೭. ಪಟಿಚ್ಚವಾರಾದಿ

೧೯. ಅಕುಸಲಂ ಆಸವಞ್ಚೇವ ಸಾಸವಞ್ಚ ಧಮ್ಮಂ ಪಟಿಚ್ಚ ಅಕುಸಲೋ ಆಸವೋ ಚೇವ ಸಾಸವೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಸಮ್ಪಯುತ್ತವಾರೇಪಿ ಪಞ್ಹಾವಾರೇಪಿ ಸಬ್ಬತ್ಥ ಏಕಂ).

೨೦. ಕುಸಲಂ ಸಾಸವಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ಕುಸಲೋ ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಕುಸಲಂ ಸಾಸವಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ಅಕುಸಲೋ ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಬ್ಯಾಕತಂ ಸಾಸವಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಸಾಸವಞ್ಚೇವ ನೋ ಚ ಆಸವಞ್ಚ ಅಬ್ಯಾಕತಂ ಸಾಸವಞ್ಚೇವ ನೋ ಚ ಆಸವಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಸಾಸವಞ್ಚೇವ ನೋ ಚ ಆಸವಞ್ಚ ಅಬ್ಯಾಕತಂ ಸಾಸವಞ್ಚೇವ ನೋ ಚ ಆಸವಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೨೧. ಹೇತುಯಾ ನವ, ಆರಮ್ಮಣೇ ತೀಣಿ, ಅಧಿಪತಿಯಾ ನವ…ಪೇ… ಅವಿಗತೇ ನವ (ಸಂಖಿತ್ತಂ).

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೨೨. ಕುಸಲೋ ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಕುಸಲಸ್ಸ ಸಾಸವಸ್ಸ ಚೇವ ನೋ ಚ ಆಸವಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಕುಸಲೋ ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಅಕುಸಲಸ್ಸ ಸಾಸವಸ್ಸ ಚೇವ ನೋ ಚ ಆಸವಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಸಾಸವೋ ಚೇವ ನೋ ಚ ಆಸವೋ ಧಮ್ಮೋ ಅಬ್ಯಾಕತಸ್ಸ ಸಾಸವಸ್ಸ ಚೇವ ನೋ ಚ ಆಸವಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೨೩. ಹೇತುಯಾ ಸತ್ತ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಅವಿಗತೇ ತೇರಸ (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ).