೧-೭. ಪಟಿಚ್ಚವಾರಾದಿ

೧೭. ಅಬ್ಯಾಕತಂ ಸಪ್ಪಟಿಘಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೧೮. ಕುಸಲಂ ಅಪ್ಪಟಿಘಂ ಧಮ್ಮಂ ಪಟಿಚ್ಚ ಕುಸಲೋ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಕುಸಲಂ ಅಪ್ಪಟಿಘಂ ಧಮ್ಮಂ ಪಟಿಚ್ಚ ಅಕುಸಲೋ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಬ್ಯಾಕತಂ ಅಪ್ಪಟಿಘಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಅಪ್ಪಟಿಘಞ್ಚ ಅಬ್ಯಾಕತಂ ಅಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಅಪ್ಪಟಿಘಞ್ಚ ಅಬ್ಯಾಕತಂ ಅಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

೧೯. ಕುಸಲಂ ಅಪ್ಪಟಿಘಂ ಧಮ್ಮಂ ಪಟಿಚ್ಚ ಕುಸಲೋ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)

ಅಕುಸಲಂ ಅಪ್ಪಟಿಘಂ ಧಮ್ಮಂ ಪಟಿಚ್ಚ ಅಕುಸಲೋ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)

ಅಬ್ಯಾಕತಂ ಅಪ್ಪಟಿಘಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧) (ಸಂಖಿತ್ತಂ.)

೨೦. ಹೇತುಯಾ ನವ, ಆರಮ್ಮಣೇ ತೀಣಿ, ಅಧಿಪತಿಯಾ ನವ…ಪೇ… ಅವಿಗತೇ ನವ (ಸಂಖಿತ್ತಂ).

೨೧. ಅಕುಸಲಂ ಅಪ್ಪಟಿಘಂ ಧಮ್ಮಂ ಪಟಿಚ್ಚ ಅಕುಸಲೋ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧)

ಅಬ್ಯಾಕತಂ ಅಪ್ಪಟಿಘಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧) (ಸಂಖಿತ್ತಂ.)

೨೨. ನಹೇತುಯಾ ದ್ವೇ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ನವ…ಪೇ… ನೋವಿಗತೇ ಪಞ್ಚ (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).

೨೩. ಕುಸಲೋ ಅಪ್ಪಟಿಘೋ ಧಮ್ಮೋ ಕುಸಲಸ್ಸ ಅಪ್ಪಟಿಘಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಕುಸಲೋ ಅಪ್ಪಟಿಘೋ ಧಮ್ಮೋ ಅಕುಸಲಸ್ಸ ಅಪ್ಪಟಿಘಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಅಪ್ಪಟಿಘೋ ಧಮ್ಮೋ ಅಬ್ಯಾಕತಸ್ಸ ಅಪ್ಪಟಿಘಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೨೪. ಹೇತುಯಾ ಸತ್ತ, ಆರಮ್ಮಣೇ ನವ, ಅಧಿಪತಿಯಾ ದಸ…ಪೇ… ಅವಿಗತೇ ತೇರಸ (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ).