೧-೭. ಪಟಿಚ್ಚವಾರಾದಿ
ಪಚ್ಚಯಚತುಕ್ಕಂ
೧೦. ಕುಸಲಂ ಅನಿದಸ್ಸನಂ ಧಮ್ಮಂ ಪಟಿಚ್ಚ ಕುಸಲೋ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.
ಅಕುಸಲಂ ಅನಿದಸ್ಸನಂ ಧಮ್ಮಂ ಪಟಿಚ್ಚ ಅಕುಸಲೋ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.
ಅಬ್ಯಾಕತಂ ಅನಿದಸ್ಸನಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)
ಕುಸಲಂ ಅನಿದಸ್ಸನಞ್ಚ ಅಬ್ಯಾಕತಂ ಅನಿದಸ್ಸನಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)
ಅಕುಸಲಂ ಅನಿದಸ್ಸನಞ್ಚ ಅಬ್ಯಾಕತಂ ಅನಿದಸ್ಸನಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)
೧೧. ಕುಸಲಂ ಅನಿದಸ್ಸನಂ ಧಮ್ಮಂ ಪಟಿಚ್ಚ ಕುಸಲೋ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)
ಅಕುಸಲಂ ಅನಿದಸ್ಸನಂ ಧಮ್ಮಂ ಪಟಿಚ್ಚ ಅಕುಸಲೋ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)
ಅಬ್ಯಾಕತಂ ಅನಿದಸ್ಸನಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧) (ಸಂಖಿತ್ತಂ.)
೧೨. ಹೇತುಯಾ ನವ, ಆರಮ್ಮಣೇ ತೀಣಿ…ಪೇ… ಅವಿಗತೇ ನವ (ಸಂಖಿತ್ತಂ).
ಪಚ್ಚನೀಯಂ –ನಹೇತುಪಚ್ಚಯೋ
೧೩. ಅಕುಸಲಂ ಅನಿದಸ್ಸನಂ ಧಮ್ಮಂ ಪಟಿಚ್ಚ ಅಕುಸಲೋ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧)
ಅಬ್ಯಾಕತಂ ಅನಿದಸ್ಸನಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧) (ಸಂಖಿತ್ತಂ.)
ನಹೇತುಯಾ ದ್ವೇ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ನವ…ಪೇ… ನೋವಿಗತೇ ಪಞ್ಚ (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).
ಹೇತು-ಆರಮ್ಮಣಪಚ್ಚಯಾ
೧೪. ಕುಸಲೋ ಅನಿದಸ್ಸನೋ ಧಮ್ಮೋ ಕುಸಲಸ್ಸ ಅನಿದಸ್ಸನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.
ಅಕುಸಲೋ ಅನಿದಸ್ಸನೋ ಧಮ್ಮೋ ಅಕುಸಲಸ್ಸ ಅನಿದಸ್ಸನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.
ಅಬ್ಯಾಕತೋ ಅನಿದಸ್ಸನೋ ಧಮ್ಮೋ ಅಬ್ಯಾಕತಸ್ಸ ಅನಿದಸ್ಸನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)
೧೫. ಕುಸಲೋ ಅನಿದಸ್ಸನೋ ಧಮ್ಮೋ ಕುಸಲಸ್ಸ ಅನಿದಸ್ಸನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.
ಅಕುಸಲೋ ಅನಿದಸ್ಸನೋ ಧಮ್ಮೋ ಅಕುಸಲಸ್ಸ ಅನಿದಸ್ಸನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.
ಅಬ್ಯಾಕತೋ ಅನಿದಸ್ಸನೋ ಧಮ್ಮೋ ಅಬ್ಯಾಕತಸ್ಸ ಅನಿದಸ್ಸನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಸಂಖಿತ್ತಂ).
೧೬. ಹೇತುಯಾ ಸತ್ತ, ಆರಮ್ಮಣೇ ನವ, ಅಧಿಪತಿಯಾ ದಸ, ಅನನ್ತರೇ ಸತ್ತ…ಪೇ… ಉಪನಿಸ್ಸಯೇ ನವ…ಪೇ… ಅವಿಗತೇ ತೇರಸ (ಸಂಖಿತ್ತಂ).
(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)