೧-೧೨. ಕುಸಲತ್ತಿಕ-ಲೋಕಿಯದುಕಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೩೦. ಕುಸಲಂ ಲೋಕಿಯಂ ಧಮ್ಮಂ ಪಟಿಚ್ಚ ಕುಸಲೋ ಲೋಕಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಲೋಕಿಯಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಲೋಕಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಲೋಕಿಯಂ ಧಮ್ಮಂ ಪಟಿಚ್ಚ ಕುಸಲೋ ಲೋಕಿಯೋ ಚ ಅಬ್ಯಾಕತೋ ಲೋಕಿಯೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಅಕುಸಲಂ ಲೋಕಿಯಂ ಧಮ್ಮಂ ಪಟಿಚ್ಚ ಅಕುಸಲೋ ಲೋಕಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಬ್ಯಾಕತಂ ಲೋಕಿಯಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಲೋಕಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಲೋಕಿಯಞ್ಚ ಅಬ್ಯಾಕತಂ ಲೋಕಿಯಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಲೋಕಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಲೋಕಿಯಞ್ಚ ಅಬ್ಯಾಕತಂ ಲೋಕಿಯಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಲೋಕಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (೧) (ಸಂಖಿತ್ತಂ.)

೩೧. ಹೇತುಯಾ ನವ, ಆರಮ್ಮಣೇ ತೀಣಿ…ಪೇ… ಅವಿಗತೇ ನವ (ಸಂಖಿತ್ತಂ).

ಪಚ್ಚನೀಯಂ

ನಹೇತುಪಚ್ಚಯೋ

೩೨. ಅಕುಸಲಂ ಲೋಕಿಯಂ ಧಮ್ಮಂ ಪಟಿಚ್ಚ ಅಕುಸಲೋ ಲೋಕಿಯೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧)

ಅಬ್ಯಾಕತಂ ಲೋಕಿಯಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಲೋಕಿಯೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧) (ಸಂಖಿತ್ತಂ.)

೩೩. ನಹೇತುಯಾ ದ್ವೇ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ನವ…ಪೇ… ನೋವಿಗತೇ ಪಞ್ಚ (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).

ಹೇತು-ಆರಮ್ಮಣಪಚ್ಚಯಾ

೩೪. ಕುಸಲೋ ಲೋಕಿಯೋ ಧಮ್ಮೋ ಕುಸಲಸ್ಸ ಲೋಕಿಯಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಕುಸಲೋ ಲೋಕಿಯೋ ಧಮ್ಮೋ ಅಕುಸಲಸ್ಸ ಲೋಕಿಯಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಲೋಕಿಯೋ ಧಮ್ಮೋ ಅಬ್ಯಾಕತಸ್ಸ ಲೋಕಿಯಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

೩೫. ಕುಸಲೋ ಲೋಕಿಯೋ ಧಮ್ಮೋ ಕುಸಲಸ್ಸ ಲೋಕಿಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಅಕುಸಲೋ ಲೋಕಿಯೋ ಧಮ್ಮೋ ಅಕುಸಲಸ್ಸ ಲೋಕಿಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಲೋಕಿಯೋ ಧಮ್ಮೋ ಅಬ್ಯಾಕತಸ್ಸ ಲೋಕಿಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಸಂಖಿತ್ತಂ).

೩೬. ಹೇತುಯಾ ಸತ್ತ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಅವಿಗತೇ ತೇರಸ (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ).

ಲೋಕುತ್ತರಪದಂ