೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೨೭೯. ಕುಸಲಂ ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ಕುಸಲೋ ನಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ಅಕುಸಲೋ ನಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ನಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೨೮೦. ಹೇತುಯಾ ತೀಣಿ, ಆರಮ್ಮಣೇ ತೀಣಿ…ಪೇ… ಅವಿಗತೇ ತೀಣಿ (ಸಂಖಿತ್ತಂ).

ನಅಧಿಪತಿಯಾ ತೀಣಿ (ಸಂಖಿತ್ತಂ).

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

ಆರಮ್ಮಣಪಚ್ಚಯೋ

೨೮೧. ಕುಸಲೋ ನಹೇತು ಸಹೇತುಕೋ ಧಮ್ಮೋ ಕುಸಲಸ್ಸ ನಹೇತುಸ್ಸ ಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಅಕುಸಲೋ ನಹೇತು ಸಹೇತುಕೋ ಧಮ್ಮೋ ಅಕುಸಲಸ್ಸ ನಹೇತುಸ್ಸ ಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ನಹೇತು ಸಹೇತುಕೋ ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಸಂಖಿತ್ತಂ).

೨೮೨. ಆರಮ್ಮಣೇ ನವ, ಅಧಿಪತಿಯಾ ಸತ್ತ, ಅನನ್ತರೇ ಪಞ್ಚ…ಪೇ… ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ತೀಣಿ, ಉಪನಿಸ್ಸಯೇ ನವ, ಆಸೇವನೇ ತೀಣಿ, ಕಮ್ಮೇ ಪಞ್ಚ, ವಿಪಾಕೇ ಏಕಂ, ಆಹಾರೇ…ಪೇ… ಸಮ್ಪಯುತ್ತೇ ತೀಣಿ…ಪೇ… ಅವಿಗತೇ ತೀಣಿ (ಸಂಖಿತ್ತಂ).

ನಹೇತುಯಾ ನವ, ನಆರಮ್ಮಣೇ ನವ (ಸಂಖಿತ್ತಂ).

ಆರಮ್ಮಣಪಚ್ಚಯಾ ನಹೇತುಯಾ ನವ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)

ನಹೇತುಅಹೇತುಕಪದಂ

ಹೇತುಪಚ್ಚಯೋ

೨೮೩. ಅಬ್ಯಾಕತಂ ನಹೇತುಂ ಅಹೇತುಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ನಹೇತು ಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

ನಹೇತುಯಾ ಏಕಂ…ಪೇ… ನೋವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೨೮೪. ಅಬ್ಯಾಕತೋ ನಹೇತು ಅಹೇತುಕೋ ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಅಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

ಆರಮ್ಮಣೇ ಏಕಂ, ಅಧಿಪತಿಯಾ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)

ಹೇತುಗೋಚ್ಛಕಂ ನಿಟ್ಠಿತಂ.