೧-೭. ಪಟಿಚ್ಚವಾರಾದಿ
ಪಚ್ಚಯಚತುಕ್ಕಂ
ಹೇತುಪಚ್ಚಯೋ
೨೫೩. ಕುಸಲಂ ಹೇತುಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಕುಸಲೋ ಹೇತುಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)
ಅಕುಸಲಂ ಹೇತುಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಅಕುಸಲೋ ಹೇತುಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)
ಅಬ್ಯಾಕತಂ ಹೇತುಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಹೇತುಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)
೨೫೪. ಹೇತುಯಾ ತೀಣಿ, ಆರಮ್ಮಣೇ ತೀಣಿ…ಪೇ… ಅವಿಗತೇ ತೀಣಿ (ಸಂಖಿತ್ತಂ).
ನಅಧಿಪತಿಯಾ ತೀಣಿ…ಪೇ… ನವಿಪ್ಪಯುತ್ತೇ ತೀಣಿ (ಸಂಖಿತ್ತಂ).
(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)
ಹೇತು-ಆರಮ್ಮಣಪಚ್ಚಯಾ
೨೫೫. ಕುಸಲೋ ಹೇತುಸಮ್ಪಯುತ್ತೋ ಧಮ್ಮೋ ಕುಸಲಸ್ಸ ಹೇತುಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)
ಅಕುಸಲೋ ಹೇತುಸಮ್ಪಯುತ್ತೋ ಧಮ್ಮೋ ಅಕುಸಲಸ್ಸ ಹೇತುಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)
ಅಬ್ಯಾಕತೋ ಹೇತುಸಮ್ಪಯುತ್ತೋ ಧಮ್ಮೋ ಅಬ್ಯಾಕತಸ್ಸ ಹೇತುಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)
ಕುಸಲೋ ಹೇತುಸಮ್ಪಯುತ್ತೋ ಧಮ್ಮೋ ಕುಸಲಸ್ಸ ಹೇತುಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.
ಅಕುಸಲೋ ಹೇತುಸಮ್ಪಯುತ್ತೋ ಧಮ್ಮೋ ಅಕುಸಲಸ್ಸ ಹೇತುಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.
ಅಬ್ಯಾಕತೋ ಹೇತುಸಮ್ಪಯುತ್ತೋ ಧಮ್ಮೋ ಅಬ್ಯಾಕತಸ್ಸ ಹೇತುಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಸಂಖಿತ್ತಂ).
೨೫೬. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ಸತ್ತ, ಅನನ್ತರೇ ಪಞ್ಚ, ಸಮನನ್ತರೇ ಪಞ್ಚ, ಸಹಜಾತೇ ತೀಣಿ, ಉಪನಿಸ್ಸಯೇ ನವ…ಪೇ… ಅವಿಗತೇ ತೀಣಿ (ಸಂಖಿತ್ತಂ).
ನಹೇತುಯಾ ನವ, ನಆರಮ್ಮಣೇ ನವ (ಸಂಖಿತ್ತಂ).
ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).
ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ).
(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)