೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಆರಮ್ಮಣಪಚ್ಚಯಾ

೨೪೮. ಅಕುಸಲಂ ಅಹೇತುಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಅಹೇತುಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಅಹೇತುಕಞ್ಚ ಅಬ್ಯಾಕತಂ ಅಹೇತುಕಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಅಹೇತುಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧) (ಸಂಖಿತ್ತಂ.)

೨೪೯. ಹೇತುಯಾ ತೀಣಿ, ಆರಮ್ಮಣೇ ಏಕಂ, ಅಧಿಪತಿಯಾ ಏಕಂ…ಪೇ… ಅವಿಗತೇ ತೀಣಿ (ಸಂಖಿತ್ತಂ).

ಪಚ್ಚನೀಯಂ

ನಹೇತು-ನಆರಮ್ಮಣಪಚ್ಚಯಾ

ಅಬ್ಯಾಕತಂ ಅಹೇತುಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧)

ಅಕುಸಲಂ ಅಹೇತುಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. (೧)

ಅಬ್ಯಾಕತಂ ಅಹೇತುಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. (೧)

ಅಕುಸಲಂ ಅಹೇತುಕಞ್ಚ ಅಬ್ಯಾಕತಂ ಅಹೇತುಕಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ. (೧) (ಸಂಖಿತ್ತಂ.)

೨೫೦. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ತೀಣಿ…ಪೇ… ನೋವಿಗತೇ ತೀಣಿ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ಏಕಂ (ಸಂಖಿತ್ತಂ).

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

ಹೇತು-ಆರಮ್ಮಣಪಚ್ಚಯಾದಿ

೨೫೧. ಅಕುಸಲೋ ಅಹೇತುಕೋ ಧಮ್ಮೋ ಅಬ್ಯಾಕತಸ್ಸ ಅಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಕುಸಲೋ ಅಹೇತುಕೋ ಧಮ್ಮೋ ಅಕುಸಲಸ್ಸ ಅಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಕುಸಲೋ ಅಹೇತುಕೋ ಧಮ್ಮೋ ಅಬ್ಯಾಕತಸ್ಸ ಅಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ಅಬ್ಯಾಕತೋ ಅಹೇತುಕೋ ಧಮ್ಮೋ ಅಬ್ಯಾಕತಸ್ಸ ಅಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ಅಹೇತುಕೋ ಧಮ್ಮೋ ಅಕುಸಲಸ್ಸ ಅಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ಅಕುಸಲೋ ಅಹೇತುಕೋ ಧಮ್ಮೋ ಅಕುಸಲಸ್ಸ ಅಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಅಕುಸಲೋ ಅಹೇತುಕೋ ಧಮ್ಮೋ ಅಬ್ಯಾಕತಸ್ಸ ಅಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಅಬ್ಯಾಕತೋ ಅಹೇತುಕೋ ಧಮ್ಮೋ ಅಬ್ಯಾಕತಸ್ಸ ಅಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ಅಹೇತುಕೋ ಧಮ್ಮೋ ಅಕುಸಲಸ್ಸ ಅಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ…ಪೇ…. (೨)

ಅಕುಸಲೋ ಅಹೇತುಕೋ ಧಮ್ಮೋ ಅಕುಸಲಸ್ಸ ಅಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೨೫೨. ಹೇತುಯಾ ಏಕಂ, ಆರಮ್ಮಣೇ ಚತ್ತಾರಿ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ತೀಣಿ, ಅಞ್ಞಮಞ್ಞೇ ಏಕಂ, ನಿಸ್ಸಯೇ ಚತ್ತಾರಿ, ಉಪನಿಸ್ಸಯೇ ಚತ್ತಾರಿ (ಸಂಖಿತ್ತಂ).

ನಹೇತುಯಾ ಪಞ್ಚ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ಪಞ್ಚ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ಏಕಂ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ಚತ್ತಾರಿ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)