೭. ಪಞ್ಹಾವಾರೋ

ಪಚ್ಚಯಚತುಕ್ಕಂ

ಹೇತುಪಚ್ಚಯಾದಿ

೨೦೫. ಉಪ್ಪನ್ನೋ ಹೇತು ಧಮ್ಮೋ ಉಪ್ಪನ್ನಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪ್ಪನ್ನಾ ಹೇತೂ ಸಮ್ಪಯುತ್ತಕಾನಂ ಹೇತೂನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೧)

ಅನುಪ್ಪನ್ನೋ ಹೇತು ಧಮ್ಮೋ ಉಪ್ಪನ್ನಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅನುಪ್ಪನ್ನಾ ಹೇತೂ ಚೇತೋಪರಿಯಞಾಣಸ್ಸ ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಉಪ್ಪಾದೀ ಹೇತು ಧಮ್ಮೋ ಉಪ್ಪನ್ನಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉಪ್ಪಾದೀ ಹೇತೂ ಚೇತೋಪರಿಯಞಾಣಸ್ಸ ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ಉಪ್ಪನ್ನೋ ಹೇತು ಧಮ್ಮೋ ಉಪ್ಪನ್ನಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ… ತೀಣಿ.

ಸಹಜಾತಪಚ್ಚಯೇನ ಪಚ್ಚಯೋ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನಿಸ್ಸಯಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ವಿಪಾಕಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ಅವಿಗತಪಚ್ಚಯೇನ ಪಚ್ಚಯೋ.

೨೦೬. ಹೇತುಯಾ ಏಕಂ, ಆರಮ್ಮಣೇ ದ್ವೇ, ಅಧಿಪತಿಯಾ ತೀಣಿ, ಸಹಜಾತೇ ಏಕಂ, ಅಞ್ಞಮಞ್ಞೇ ಏಕಂ, ನಿಸ್ಸಯೇ ಏಕಂ, ಉಪನಿಸ್ಸಯೇ ದ್ವೇ…ಪೇ… ಅವಿಗತೇ ಏಕಂ (ಸಂಖಿತ್ತಂ).

ನಹೇತುಯಾ ದ್ವೇ, ನಆರಮ್ಮಣೇ ದ್ವೇ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ಏಕಂ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ದ್ವೇ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)

ನಹೇತುಪದಂ

ಆರಮ್ಮಣಪಚ್ಚಯಾದಿ

೨೦೭. ಉಪ್ಪನ್ನೋ ನಹೇತು ಧಮ್ಮೋ ಉಪ್ಪನ್ನಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಅನುಪ್ಪನ್ನೋ ನಹೇತು ಧಮ್ಮೋ ಉಪ್ಪನ್ನಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಉಪ್ಪಾದೀ ನಹೇತು ಧಮ್ಮೋ ಉಪ್ಪನ್ನಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

೨೦೮. ಉಪ್ಪನ್ನೋ ನಹೇತು ಧಮ್ಮೋ ಉಪ್ಪನ್ನಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅನುಪ್ಪನ್ನೋ ನಹೇತು ಧಮ್ಮೋ ಉಪ್ಪನ್ನಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಉಪ್ಪಾದೀ ನಹೇತು ಧಮ್ಮೋ ಉಪ್ಪನ್ನಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಉಪ್ಪನ್ನೋ ನಹೇತು ಧಮ್ಮೋ ಉಪ್ಪನ್ನಸ್ಸ ನಹೇತುಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನಿಸ್ಸಯಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ.

ಅನುಪ್ಪನ್ನೋ ನಹೇತು ಧಮ್ಮೋ ಉಪ್ಪನ್ನಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ.

ಉಪ್ಪಾದೀ ನಹೇತು ಧಮ್ಮೋ ಉಪ್ಪನ್ನಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೨೦೯. ಆರಮ್ಮಣೇ ತೀಣಿ, ಅಧಿಪತಿಯಾ ತೀಣಿ, ಸಹಜಾತೇ ಏಕಂ, ಅಞ್ಞಮಞ್ಞೇ ಏಕಂ, ನಿಸ್ಸಯೇ ಏಕಂ, ಉಪನಿಸ್ಸಯೇ ತೀಣಿ…ಪೇ… ಅವಿಗತೇ ಏಕಂ (ಸಂಖಿತ್ತಂ).

ನಹೇತುಯಾ ತೀಣಿ, ನಆರಮ್ಮಣೇ ತೀಣಿ (ಸಂಖಿತ್ತಂ).

ಆರಮ್ಮಣಪಚ್ಚಯಾ ನಹೇತುಯಾ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ತೀಣಿ (ಸಂಖಿತ್ತಂ).