೭. ಪಞ್ಹಾವಾರೋ

ಪಚ್ಚಯಚತುಕ್ಕಂ

ಆರಮ್ಮಣಪಚ್ಚಯಾದಿ

೨೦. ಕುಸಲೋ ನಹೇತು ಧಮ್ಮೋ ಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಕುಸಲೋ ನಹೇತು ಧಮ್ಮೋ ಅಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಕುಸಲೋ ನಹೇತು ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಅಕುಸಲೋ ನಹೇತು ಧಮ್ಮೋ ಅಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಕುಸಲೋ ನಹೇತು ಧಮ್ಮೋ ಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಕುಸಲೋ ನಹೇತು ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಅಬ್ಯಾಕತೋ ನಹೇತು ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ನಹೇತು ಧಮ್ಮೋ ಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ನಹೇತು ಧಮ್ಮೋ ಅಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

೨೧. ಕುಸಲೋ ನಹೇತು ಧಮ್ಮೋ ಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಕುಸಲೋ ನಹೇತು ಧಮ್ಮೋ ಅಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಕುಸಲೋ ನಹೇತು ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಕುಸಲೋ ನಹೇತು ಧಮ್ಮೋ ಕುಸಲಸ್ಸ ನಹೇತುಸ್ಸ ಚ ಅಬ್ಯಾಕತಸ್ಸ ನಹೇತುಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ… ಚತ್ತಾರಿ.

ಅಕುಸಲೋ ನಹೇತು ಧಮ್ಮೋ ಅಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ನಹೇತು ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ನಹೇತು ಧಮ್ಮೋ ಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ… ತೀಣಿ.

೨೨. ಕುಸಲೋ ನಹೇತು ಧಮ್ಮೋ ಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಕುಸಲೋ ನಹೇತು ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಅಕುಸಲೋ ನಹೇತು ಧಮ್ಮೋ ಅಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಅಕುಸಲೋ ನಹೇತು ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಅಬ್ಯಾಕತೋ ನಹೇತು ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ…ಪೇ….

ಉಪನಿಸ್ಸಯಪಚ್ಚಯೋ

೨೩. ಕುಸಲೋ ನಹೇತು ಧಮ್ಮೋ ಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಕುಸಲೋ ನಹೇತು ಧಮ್ಮೋ ಅಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಕುಸಲೋ ನಹೇತು ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಅಕುಸಲೋ ನಹೇತು ಧಮ್ಮೋ ಅಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಅಕುಸಲೋ ನಹೇತು ಧಮ್ಮೋ ಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಅಕುಸಲೋ ನಹೇತು ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಅಬ್ಯಾಕತೋ ನಹೇತು ಧಮ್ಮೋ ಅಬ್ಯಾಕತಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ನಹೇತು ಧಮ್ಮೋ ಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಅಬ್ಯಾಕತೋ ನಹೇತು ಧಮ್ಮೋ ಅಕುಸಲಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩) (ಸಂಖಿತ್ತಂ.)

೨೪. ಆರಮ್ಮಣೇ ನವ, ಅಧಿಪತಿಯಾ ದಸ, ಅನನ್ತರೇ ಸತ್ತ, ಸಮನನ್ತರೇ ಸತ್ತ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೇರಸ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ಸತ್ತ, ವಿಪಾಕೇ ಏಕಂ, ಆಹಾರೇ ಸತ್ತ, ಇನ್ದ್ರಿಯೇ ಸತ್ತ, ಝಾನೇ ಸತ್ತ, ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ತೇರಸ, ನತ್ಥಿಯಾ ಸತ್ತ, ವಿಗತೇ ಸತ್ತ, ಅವಿಗತೇ ತೇರಸ (ಸಂಖಿತ್ತಂ).

ನಹೇತುಯಾ ಪನ್ನರಸ, ನಆರಮ್ಮಣೇ ಪನ್ನರಸ (ಸಂಖಿತ್ತಂ).

ಆರಮ್ಮಣಪಚ್ಚಯಾ ನಹೇತುಯಾ ನವ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)