೭. ಪಞ್ಹಾವಾರೋ

ಪಚ್ಚಯಚತುಕ್ಕಂ

೧೬೫. ಪರಿತ್ತೋ ನಹೇತು ಧಮ್ಮೋ ಪರಿತ್ತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಪರಿತ್ತೋ ನಹೇತು ಧಮ್ಮೋ ಮಹಗ್ಗತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ಮಹಗ್ಗತೋ ನಹೇತು ಧಮ್ಮೋ ಮಹಗ್ಗತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಮಹಗ್ಗತೋ ನಹೇತು ಧಮ್ಮೋ ಪರಿತ್ತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ಅಪ್ಪಮಾಣೋ ನಹೇತು ಧಮ್ಮೋ ಅಪ್ಪಮಾಣಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಪ್ಪಮಾಣೋ ನಹೇತು ಧಮ್ಮೋ ಪರಿತ್ತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಪ್ಪಮಾಣೋ ನಹೇತು ಧಮ್ಮೋ ಮಹಗ್ಗತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಪರಿತ್ತೋ ನಹೇತು ಧಮ್ಮೋ ಪರಿತ್ತಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೧೬೬. ಆರಮ್ಮಣೇ ಸತ್ತ, ಅಧಿಪತಿಯಾ ಸತ್ತ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ಏಕಾದಸ, ಅಞ್ಞಮಞ್ಞೇ ಸತ್ತ, ನಿಸ್ಸಯೇ ತೇರಸ, ಉಪನಿಸ್ಸಯೇ ನವ…ಪೇ… ಅವಿಗತೇ ತೇರಸ (ಸಂಖಿತ್ತಂ).

ನಹೇತುಯಾ ಪನ್ನರಸ, ನಆರಮ್ಮಣೇ ಪನ್ನರಸ (ಸಂಖಿತ್ತಂ).

ಆರಮ್ಮಣಪಚ್ಚಯಾ ನಹೇತುಯಾ ಸತ್ತ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ಸತ್ತ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)