೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೧೩೨. ಆಚಯಗಾಮಿಂ ಹೇತುಂ ಧಮ್ಮಂ ಪಟಿಚ್ಚ ಆಚಯಗಾಮೀ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಪಚಯಗಾಮಿಂ ಹೇತುಂ ಧಮ್ಮಂ ಪಟಿಚ್ಚ ಅಪಚಯಗಾಮೀ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ನೇವಾಚಯಗಾಮಿನಾಪಚಯಗಾಮಿಂ ಹೇತುಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೧೩೩. ಹೇತುಯಾ ತೀಣಿ, ಆರಮ್ಮಣೇ ತೀಣಿ, ಅಧಿಪತಿಯಾ ತೀಣಿ (ಸಬ್ಬತ್ಥ ತೀಣಿ).

ನಅಧಿಪತಿಯಾ ತೀಣಿ, ನಆಸೇವನೇ ದ್ವೇ, ನವಿಪಾಕೇ ತೀಣಿ, ನವಿಪ್ಪಯುತ್ತೇ ತೀಣಿ (ಸಂಖಿತ್ತಂ).

ಹೇತುಪಚ್ಚಯಾ ನಅಧಿಪತಿಯಾ ತೀಣಿ (ಸಂಖಿತ್ತಂ).

ನಅಧಿಪತಿಪಚ್ಚಯಾ ಹೇತುಯಾ ತೀಣಿ (ಸಂಖಿತ್ತಂ).

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ ವಿತ್ಥಾರೇತಬ್ಬಂ.)

ಹೇತುಆರಮ್ಮಣಪಚ್ಚಯಾದಿ

೧೩೪. ಆಚಯಗಾಮೀ ಹೇತು ಧಮ್ಮೋ ಆಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಪಚಯಗಾಮೀ ಹೇತು ಧಮ್ಮೋ ಅಪಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ನೇವಾಚಯಗಾಮಿನಾಪಚಯಗಾಮೀ ಹೇತು ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಆಚಯಗಾಮೀ ಹೇತು ಧಮ್ಮೋ ಆಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಆಚಯಗಾಮೀ ಹೇತು ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ಅಪಚಯಗಾಮೀ ಹೇತು ಧಮ್ಮೋ ಆಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಪಚಯಗಾಮೀ ಹೇತು ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ನೇವಾಚಯಗಾಮಿನಾಪಚಯಗಾಮೀ ಹೇತು ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನೇವಾಚಯಗಾಮಿನಾಪಚಯಗಾಮೀ ಹೇತು ಧಮ್ಮೋ ಆಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

೧೩೫. ಆಚಯಗಾಮೀ ಹೇತು ಧಮ್ಮೋ ಆಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. (೧)

ಅಪಚಯಗಾಮೀ ಹೇತು ಧಮ್ಮೋ ಅಪಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಸಹಜಾತಾಧಿಪತಿ…. ಅಪಚಯಗಾಮೀ ಹೇತು ಧಮ್ಮೋ ಆಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಅಪಚಯಗಾಮೀ ಹೇತು ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ…. (೩)

ನೇವಾಚಯಗಾಮಿನಾಪಚಯಗಾಮೀ ಹೇತು ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ನೇವಾಚಯಗಾಮಿನಾಪಚಯಗಾಮೀ ಹೇತು ಧಮ್ಮೋ ಆಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ.

೧೩೬. ಆಚಯಗಾಮೀ ಹೇತು ಧಮ್ಮೋ ಆಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಆಚಯಗಾಮೀ ಹೇತು ಧಮ್ಮೋ ಅಪಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಆಚಯಗಾಮೀ ಹೇತು ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೩)

ಅಪಚಯಗಾಮೀ ಹೇತು ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೧)

ನೇವಾಚಯಗಾಮಿನಾಪಚಯಗಾಮೀ ಹೇತು ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೧೩೭. ಹೇತುಯಾ ತೀಣಿ, ಆರಮ್ಮಣೇ ಛ, ಅಧಿಪತಿಯಾ ಛ, ಅನನ್ತರೇ ಪಞ್ಚ, ಸಮನನ್ತರೇ ಪಞ್ಚ, ಸಹಜಾತೇ ತೀಣಿ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೀಣಿ, ಉಪನಿಸ್ಸಯೇ ಅಟ್ಠ, ಆಸೇವನೇ ತೀಣಿ, ವಿಪಾಕೇ ಏಕಂ…ಪೇ… ಅವಿಗತೇ ತೀಣಿ (ಸಂಖಿತ್ತಂ).

ನಹೇತುಯಾ ಅಟ್ಠ, ನಆರಮ್ಮಣೇ ಅಟ್ಠ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ಛ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)

ನಹೇತುಪದಂ