೭. ಪಞ್ಹಾವಾರೋ

ಪಚ್ಚಯಚತುಕ್ಕಂ

೮೦. ಸವಿತಕ್ಕಸವಿಚಾರೋ ಹೇತು ಧಮ್ಮೋ ಸವಿತಕ್ಕಸವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಹೇತು ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಹೇತು ಧಮ್ಮೋ ಅವಿತಕ್ಕಅವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

೮೧. ಸವಿತಕ್ಕಸವಿಚಾರೋ ಹೇತು ಧಮ್ಮೋ ಸವಿತಕ್ಕಸವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಸವಿತಕ್ಕಸವಿಚಾರೋ ಹೇತು ಧಮ್ಮೋ ಅವಿತಕ್ಕಅವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ಹೇತು ಧಮ್ಮೋ ಸವಿತಕ್ಕಸವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತೋ ಹೇತು ಧಮ್ಮೋ ಅವಿತಕ್ಕಅವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ಹೇತು ಧಮ್ಮೋ ಅವಿತಕ್ಕಅವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರೋ ಹೇತು ಧಮ್ಮೋ ಸವಿತಕ್ಕಸವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

೮೨. ಸವಿತಕ್ಕಸವಿಚಾರೋ ಹೇತು ಧಮ್ಮೋ ಸವಿತಕ್ಕಸವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಹೇತು ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತೋ ಹೇತು ಧಮ್ಮೋ ಸವಿತಕ್ಕಸವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ಹೇತು ಧಮ್ಮೋ ಅವಿತಕ್ಕಅವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರೋ ಹೇತು ಧಮ್ಮೋ ಸವಿತಕ್ಕಸವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೨)

೮೩. ಸವಿತಕ್ಕಸವಿಚಾರೋ ಹೇತು ಧಮ್ಮೋ ಸವಿತಕ್ಕಸವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ.

ಅವಿತಕ್ಕವಿಚಾರಮತ್ತೋ ಹೇತು ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ … ತೀಣಿ.

ಅವಿತಕ್ಕಅವಿಚಾರೋ ಹೇತು ಧಮ್ಮೋ ಅವಿತಕ್ಕಅವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ…ಪೇ….

ಸವಿತಕ್ಕಸವಿಚಾರೋ ಹೇತು ಧಮ್ಮೋ ಸವಿತಕ್ಕಸವಿಚಾರಸ್ಸ ಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ನವ (ಸಂಖಿತ್ತಂ).

೮೪. ಹೇತುಯಾ ತೀಣಿ, ಆರಮ್ಮಣೇ ಛ, ಅಧಿಪತಿಯಾ ಪಞ್ಚ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ತೀಣಿ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೀಣಿ, ಉಪನಿಸ್ಸಯೇ ನವ, ಆಸೇವನೇ ಪಞ್ಚ, ವಿಪಾಕೇ ತೀಣಿ…ಪೇ… ಅವಿಗತೇ ತೀಣಿ.

ನಹೇತುಯಾ ನವ, ನಆರಮ್ಮಣೇ ನವ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ಛ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)

ನಹೇತುಪದಂ.