೭. ಪಞ್ಹಾವಾರೋ

ಪಚ್ಚಯಚತುಕ್ಕಂ

ಹೇತುಆರಮ್ಮಣಪಚ್ಚಯಾದಿ

೬೬. ಸಂಕಿಲಿಟ್ಠಸಂಕಿಲೇಸಿಕೋ ಹೇತು ಧಮ್ಮೋ ಸಂಕಿಲಿಟ್ಠಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಸಂಕಿಲಿಟ್ಠಸಂಕಿಲೇಸಿಕೋ ಹೇತು ಧಮ್ಮೋ ಅಸಂಕಿಲಿಟ್ಠಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಸಂಕಿಲಿಟ್ಠಅಸಂಕಿಲೇಸಿಕೋ ಹೇತು ಧಮ್ಮೋ ಅಸಂಕಿಲಿಟ್ಠಅಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

೬೭. ಸಂಕಿಲಿಟ್ಠಸಂಕಿಲೇಸಿಕೋ ಹೇತು ಧಮ್ಮೋ ಸಂಕಿಲಿಟ್ಠಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ದ್ವೇ.

ಅಸಂಕಿಲಿಟ್ಠಸಂಕಿಲೇಸಿಕೋ ಹೇತು ಧಮ್ಮೋ ಅಸಂಕಿಲಿಟ್ಠಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ದ್ವೇ.

ಅಸಂಕಿಲಿಟ್ಠಅಸಂಕಿಲೇಸಿಕೋ ಹೇತು ಧಮ್ಮೋ ಅಸಂಕಿಲಿಟ್ಠಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

೬೮. ಸಂಕಿಲಿಟ್ಠಸಂಕಿಲೇಸಿಕೋ ಹೇತು ಧಮ್ಮೋ ಸಂಕಿಲಿಟ್ಠಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅಸಂಕಿಲಿಟ್ಠಸಂಕಿಲೇಸಿಕೋ ಹೇತು ಧಮ್ಮೋ ಅಸಂಕಿಲಿಟ್ಠಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಅಸಂಕಿಲಿಟ್ಠಸಂಕಿಲೇಸಿಕೋ ಹೇತು ಧಮ್ಮೋ ಸಂಕಿಲಿಟ್ಠಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಅಸಂಕಿಲಿಟ್ಠಅಸಂಕಿಲೇಸಿಕೋ ಹೇತು ಧಮ್ಮೋ ಅಸಂಕಿಲಿಟ್ಠಅಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ… ದ್ವೇ.

೬೯. ಸಂಕಿಲಿಟ್ಠಸಂಕಿಲೇಸಿಕೋ ಹೇತು ಧಮ್ಮೋ ಸಂಕಿಲಿಟ್ಠಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ಛ…ಪೇ….

ಸಂಕಿಲಿಟ್ಠಸಂಕಿಲೇಸಿಕೋ ಹೇತು ಧಮ್ಮೋ ಸಂಕಿಲಿಟ್ಠಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಸಂಕಿಲಿಟ್ಠಸಂಕಿಲೇಸಿಕೋ ಹೇತು ಧಮ್ಮೋ ಅಸಂಕಿಲಿಟ್ಠಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಸಂಕಿಲಿಟ್ಠಸಂಕಿಲೇಸಿಕೋ ಹೇತು ಧಮ್ಮೋ ಅಸಂಕಿಲಿಟ್ಠಅಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಅಸಂಕಿಲಿಟ್ಠಸಂಕಿಲೇಸಿಕೋ ಹೇತು ಧಮ್ಮೋ ಅಸಂಕಿಲಿಟ್ಠಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ.

ಅಸಂಕಿಲಿಟ್ಠಅಸಂಕಿಲೇಸಿಕೋ ಹೇತು ಧಮ್ಮೋ ಅಸಂಕಿಲಿಟ್ಠಅಸಂಕಿಲೇಸಿಕಸ್ಸ ಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ದ್ವೇ (ಸಂಖಿತ್ತಂ).

೭೦. ಹೇತುಯಾ ತೀಣಿ, ಆರಮ್ಮಣೇ ಪಞ್ಚ, ಅಧಿಪತಿಯಾ ಪಞ್ಚ, ಅನನ್ತರೇ ಛ, ಸಮನನ್ತರೇ ಛ, ಸಹಜಾತೇ ತೀಣಿ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೀಣಿ, ಉಪನಿಸ್ಸಯೇ ಅಟ್ಠ, ಆಸೇವನೇ ತೀಣಿ, ವಿಪಾಕೇ ದ್ವೇ, ಇನ್ದ್ರಿಯೇ ದ್ವೇ…ಪೇ… ಅವಿಗತೇ ತೀಣಿ (ಸಂಖಿತ್ತಂ).

ನಹೇತುಯಾ ಅಟ್ಠ, ನಆರಮ್ಮಣೇ ಅಟ್ಠ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ಪಞ್ಚ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)

ನಹೇತುಪದಪಚ್ಚಯಚತುಕ್ಕಂ

೭೧. ಸಂಕಿಲಿಟ್ಠಸಂಕಿಲೇಸಿಕಂ ನಹೇತುಂ ಧಮ್ಮಂ ಪಟಿಚ್ಚ ಸಂಕಿಲಿಟ್ಠಸಂಕಿಲೇಸಿಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಸಂಕಿಲಿಟ್ಠಸಂಕಿಲೇಸಿಕಂ ನಹೇತುಂ ಧಮ್ಮಂ ಪಟಿಚ್ಚ ಅಸಂಕಿಲಿಟ್ಠಸಂಕಿಲೇಸಿಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಸಂಕಿಲಿಟ್ಠಸಂಕಿಲೇಸಿಕಂ ನಹೇತುಂ ಧಮ್ಮಂ ಪಟಿಚ್ಚ ಸಂಕಿಲಿಟ್ಠಸಂಕಿಲೇಸಿಕೋ ನಹೇತು ಚ ಅಸಂಕಿಲಿಟ್ಠಸಂಕಿಲೇಸಿಕೋ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಅಸಂಕಿಲಿಟ್ಠಸಂಕಿಲೇಸಿಕಂ ನಹೇತುಂ ಧಮ್ಮಂ ಪಟಿಚ್ಚ ಅಸಂಕಿಲಿಟ್ಠಸಂಕಿಲೇಸಿಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಸಂಕಿಲಿಟ್ಠಅಸಂಕಿಲೇಸಿಕಂ ನಹೇತುಂ ಧಮ್ಮಂ ಪಟಿಚ್ಚ ಅಸಂಕಿಲಿಟ್ಠಅಸಂಕಿಲೇಸಿಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಸಂಕಿಲಿಟ್ಠಸಂಕಿಲೇಸಿಕಂ ನಹೇತುಞ್ಚ ಅಸಂಕಿಲಿಟ್ಠಸಂಕಿಲೇಸಿಕಂ ನಹೇತುಞ್ಚ ಧಮ್ಮಂ ಪಟಿಚ್ಚ ಅಸಂಕಿಲಿಟ್ಠಸಂಕಿಲೇಸಿಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಸಂಕಿಲಿಟ್ಠಸಂಕಿಲೇಸಿಕಂ ನಹೇತುಞ್ಚ ಅಸಂಕಿಲಿಟ್ಠಅಸಂಕಿಲೇಸಿಕಂ ನಹೇತುಞ್ಚ ಧಮ್ಮಂ ಪಟಿಚ್ಚ ಅಸಂಕಿಲಿಟ್ಠಸಂಕಿಲೇಸಿಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

೭೨. ಸಂಕಿಲಿಟ್ಠಸಂಕಿಲೇಸಿಕಂ ನಹೇತುಂ ಧಮ್ಮಂ ಪಟಿಚ್ಚ ಸಂಕಿಲಿಟ್ಠಸಂಕಿಲೇಸಿಕೋ ನಹೇತು ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)

ಅಸಂಕಿಲಿಟ್ಠಸಂಕಿಲೇಸಿಕಂ ನಹೇತುಂ ಧಮ್ಮಂ ಪಟಿಚ್ಚ ಅಸಂಕಿಲಿಟ್ಠಸಂಕಿಲೇಸಿಕೋ ನಹೇತು ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)

ಅಸಂಕಿಲಿಟ್ಠಅಸಂಕಿಲೇಸಿಕಂ ನಹೇತುಂ ಧಮ್ಮಂ ಪಟಿಚ್ಚ ಅಸಂಕಿಲಿಟ್ಠಅಸಂಕಿಲೇಸಿಕೋ ನಹೇತು ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧) (ಸಂಖಿತ್ತಂ.)

೭೩. ಹೇತುಯಾ ನವ, ಆರಮ್ಮಣೇ ತೀಣಿ, ಅಧಿಪತಿಯಾ ನವ, ಅನನ್ತರೇ ತೀಣಿ, ಸಮನನ್ತರೇ ತೀಣಿ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ನವ, ಉಪನಿಸ್ಸಯೇ ತೀಣಿ, ಪುರೇಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ನವ, ವಿಪಾಕೇ ಪಞ್ಚ, ಆಹಾರೇ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ಪಚ್ಚನೀಯಂ –ನಹೇತುಪಚ್ಚಯೋ

೭೪. ಅಸಂಕಿಲಿಟ್ಠಸಂಕಿಲೇಸಿಕಂ ನಹೇತುಂ ಧಮ್ಮಂ ಪಟಿಚ್ಚ ಅಸಂಕಿಲಿಟ್ಠಸಂಕಿಲೇಸಿಕೋ ನಹೇತು ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ (ಸಂಖಿತ್ತಂ).

ನಹೇತುಯಾ ಏಕಂ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ಛ, ನಪುರೇಜಾತೇ ಸತ್ತ…ಪೇ… ನಕಮ್ಮೇ ತೀಣಿ…ಪೇ… ನವಿಪ್ಪಯುತ್ತೇ ತೀಣಿ…ಪೇ… ನೋವಿಗತೇ ಪಞ್ಚ (ಸಂಖಿತ್ತಂ).

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ವಿತ್ಥಾರೇತಬ್ಬಂ.)