೭. ಪಞ್ಹಾವಾರೋ

ಪಚ್ಚಯಚತುಕ್ಕಂ

ಆರಮ್ಮಣಪಚ್ಚಯಾದಿ

೩೨. ಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ದುಕ್ಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ದುಕ್ಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ದುಕ್ಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ದುಕ್ಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ದುಕ್ಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ದುಕ್ಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

೩೩. ಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ದುಕ್ಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ದುಕ್ಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಅನನ್ತರ-ಉಪನಿಸ್ಸಯಪಚ್ಚಯಾ

೩೪. ಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ದ್ವೇ.

ದುಕ್ಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ದುಕ್ಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ದ್ವೇ.

ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ…ಪೇ….

೩೫. ಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ.

ದುಕ್ಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ದುಕ್ಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ.

ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಹೇತು ಧಮ್ಮೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಸ್ಸ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ (ಸಂಖಿತ್ತಂ).

೩೬. ಆರಮ್ಮಣೇ ನವ, ಅಧಿಪತಿಯಾ ಪಞ್ಚ, ಅನನ್ತರೇ ಸತ್ತ, ಸಮನನ್ತರೇ ಸತ್ತ, ಸಹಜಾತೇ ತೀಣಿ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೀಣಿ, ಉಪನಿಸ್ಸಯೇ ನವ, ಆಸೇವನೇ ತೀಣಿ, ಕಮ್ಮೇ ಅಟ್ಠ, ವಿಪಾಕೇ ತೀಣಿ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ತೀಣಿ, ಸಮ್ಪಯುತ್ತೇ ತೀಣಿ, ಅತ್ಥಿಯಾ ತೀಣಿ, ನತ್ಥಿಯಾ ಸತ್ತ, ವಿಗತೇ ಸತ್ತ, ಅವಿಗತೇ ತೀಣಿ (ಸಂಖಿತ್ತಂ).

ನಹೇತುಯಾ ನವ, ನಆರಮ್ಮಣೇ ನವ (ಸಂಖಿತ್ತಂ).

ಆರಮ್ಮಣಪಚ್ಚಯಾ ನಹೇತುಯಾ ನವ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)