೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೩೮. ಅರಣಂ ಸೇಕ್ಖಂ ಧಮ್ಮಂ ಪಟಿಚ್ಚ ಅರಣೋ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ. (ಸಂಖಿತ್ತಂ.) (ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೩೯. ಅರಣಂ ಅಸೇಕ್ಖಂ ಧಮ್ಮಂ ಪಟಿಚ್ಚ ಅರಣೋ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ. (ಸಂಖಿತ್ತಂ.) (ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೪೦. ಸರಣಂ ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ಸರಣೋ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅರಣಂ ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ಅರಣೋ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಸರಣಂ ನೇವಸೇಕ್ಖನಾಸೇಕ್ಖಞ್ಚ ಅರಣಂ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ಅರಣೋ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೪೧. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅಧಿಪತಿಯಾ ಪಞ್ಚ…ಪೇ… ಅವಿಗತೇ ಪಞ್ಚ. (ಸಂಖಿತ್ತಂ. ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ವಿತ್ಥಾರೇತಬ್ಬೋ.)