೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೧೧. ನದಸ್ಸನೇನ ಪಹಾತಬ್ಬಹೇತುಕಂ ಕುಸಲಂ ಧಮ್ಮ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೧೨. ದಸ್ಸನೇನ ಪಹಾತಬ್ಬಹೇತುಕಂ ಅಕುಸಲಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ನದಸ್ಸನೇನ ಪಹಾತಬ್ಬಹೇತುಕಂ ಅಕುಸಲಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನದಸ್ಸನೇನ ಪಹಾತಬ್ಬಹೇತುಕಂ ಅಕುಸಲಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೨)

ದಸ್ಸನೇನ ಪಹಾತಬ್ಬಹೇತುಕಂ ಅಕುಸಲಞ್ಚ ನದಸ್ಸನೇನ ಪಹಾತಬ್ಬಹೇತುಕಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ದಸ್ಸನೇನ ಪಹಾತಬ್ಬಹೇತುಕಂ ಅಕುಸಲಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ತೀಣಿ (ನದಸ್ಸನೇ ದ್ವೇ, ಘಟನೇ ಏಕಂ, ಸಂಖಿತ್ತಂ).

೧೩. ಹೇತುಯಾ ಚತ್ತಾರಿ, ಆರಮ್ಮಣೇ ಛ, ಅಧಿಪತಿಯಾ ದ್ವೇ (ಸಬ್ಬತ್ಥ ಛ), ಅವಿಗತೇ ಛ (ಸಂಖಿತ್ತಂ).

೧೪. ದಸ್ಸನೇನ ಪಹಾತಬ್ಬಹೇತುಕಂ ಅಕುಸಲಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ.

ನದಸ್ಸನೇನ ಪಹಾತಬ್ಬಹೇತುಕಂ ಅಕುಸಲಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ (ಸಂಖಿತ್ತಂ).

೧೫. ನಹೇತುಯಾ ದ್ವೇ, ನಅಧಿಪತಿಯಾ ಛ…ಪೇ… ನಕಮ್ಮೇ ಚತ್ತಾರಿ, ನವಿಪಾಕೇ ಛ, ನವಿಪ್ಪಯುತ್ತೇ ಛ (ಸಂಖಿತ್ತಂ. ಸಹಜಾತವಾರಾದಿ ವಿತ್ಥಾರೇತಬ್ಬೋ).

೧೬. ದಸ್ಸನೇನ ಪಹಾತಬ್ಬಹೇತುಕೋ ಅಕುಸಲೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೧೭. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ತೀಣಿ (ದಸ್ಸನೇ ಏಕಂ, ನದಸ್ಸನೇ ದ್ವೇ), ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ಛ…ಪೇ… ಉಪನಿಸ್ಸಯೇ ನವ, ಆಸೇವನೇ ನವ, ಕಮ್ಮೇ ಚತ್ತಾರಿ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ…ಪೇ… ಸಮ್ಪಯುತ್ತೇ ಛ, ಅತ್ಥಿಯಾ ಛ, ನತ್ಥಿಯಾ ನವ…ಪೇ… ಅವಿಗತೇ ಛ (ಸಂಖಿತ್ತಂ).

೧೮. ನದಸ್ಸನೇನ ಪಹಾತಬ್ಬಹೇತುಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)