೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೯೪. ನಿಯತಂ ಕುಸಲಂ ಧಮ್ಮಂ ಪಟಿಚ್ಚ ನಿಯತೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅನಿಯತಂ ಕುಸಲಂ ಧಮ್ಮಂ ಪಟಿಚ್ಚ ಅನಿಯತೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೯೫. ಹೇತುಯಾ ದ್ವೇ, ಆರಮ್ಮಣೇ ದ್ವೇ…ಪೇ… ಅವಿಗತೇ ದ್ವೇ (ಸಂಖಿತ್ತಂ. ಲೋಕಿಯದುಕಕುಸಲಸದಿಸಂ. ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ).

೯೬. ನಿಯತಂ ಅಕುಸಲಂ ಧಮ್ಮಂ ಪಟಿಚ್ಚ ನಿಯತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅನಿಯತಂ ಅಕುಸಲಂ ಧಮ್ಮಂ ಪಟಿಚ್ಚ ಅನಿಯತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೯೭. ಹೇತುಯಾ ದ್ವೇ, ಆರಮ್ಮಣೇ ದ್ವೇ (ಸಬ್ಬತ್ಥ ದ್ವೇ), ಅವಿಗತೇ ದ್ವೇ (ಸಂಖಿತ್ತಂ).

ನಹೇತುಯಾ ಏಕಂ, ನಅಧಿಪತಿಯಾ ದ್ವೇ, ನಪುರೇಜಾತೇ ಏಕಂ…ಪೇ… ನಕಮ್ಮೇ ದ್ವೇ…ಪೇ… ನವಿಪ್ಪಯುತ್ತೇ ಏಕಂ (ಸಂಖಿತ್ತಂ. ಸಹಜಾತವಾರಾದಿ ವಿತ್ಥಾರೇತಬ್ಬೋ).

೯೮. ನಿಯತೋ ಅಕುಸಲೋ ಧಮ್ಮೋ ನಿಯತಸ್ಸ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅನಿಯತೋ ಅಕುಸಲೋ ಧಮ್ಮೋ ಅನಿಯತಸ್ಸ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೯೯. ಹೇತುಯಾ ದ್ವೇ, ಆರಮ್ಮಣೇ ತೀಣಿ, ಅಧಿಪತಿಯಾ ದ್ವೇ (ನಿಯತೇ ಸಹಜಾತಾಧಿಪತಿ, ದುತಿಯೇ ಆರಮ್ಮಣಾಧಿಪತಿ ಸಹಜಾತಾಧಿಪತಿ), ಅನನ್ತರೇ ದ್ವೇ…ಪೇ… ನಿಸ್ಸಯೇ ದ್ವೇ, ಉಪನಿಸ್ಸಯೇ ತೀಣಿ, ಆಸೇವನೇ ದ್ವೇ, ಕಮ್ಮೇ ದ್ವೇ…ಪೇ… ಅವಿಗತೇ ದ್ವೇ (ಸಂಖಿತ್ತಂ).

೧೦೦. ಅನಿಯತಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಅನಿಯತೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ. ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ).