೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೭೭. ಅರೂಪಾವಚರಂ ಕುಸಲಂ ಧಮ್ಮಂ ಪಟಿಚ್ಚ ಅರೂಪಾವಚರೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ನಅರೂಪಾವಚರಂ ಕುಸಲಂ ಧಮ್ಮಂ ಪಟಿಚ್ಚ ನಅರೂಪಾವಚರೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೭೮. ಹೇತುಯಾ ದ್ವೇ, ಆರಮ್ಮಣೇ ದ್ವೇ…ಪೇ… ಅವಿಗತೇ ದ್ವೇ (ಸಂಖಿತ್ತಂ).

ನಅಧಿಪತಿಯಾ ದ್ವೇ…ಪೇ… ನಆಸೇವನೇ ಏಕಂ…ಪೇ… ನವಿಪ್ಪಯುತ್ತೇ ದ್ವೇ (ಸಂಖಿತ್ತಂ. ಸಹಜಾತವಾರಾದಿ ವಿತ್ಥಾರೇತಬ್ಬೋ).

೭೯. ಅರೂಪಾವಚರೋ ಕುಸಲೋ ಧಮ್ಮೋ ಅರೂಪಾವಚರಸ್ಸ ಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ನಅರೂಪಾವಚರೋ ಕುಸಲೋ ಧಮ್ಮೋ ನಅರೂಪಾವಚರಸ್ಸ ಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೮೦. ಹೇತುಯಾ ದ್ವೇ, ಆರಮ್ಮಣೇ ತೀಣಿ, ಅಧಿಪತಿಯಾ ತೀಣಿ, ಅನನ್ತರೇ ತೀಣಿ…ಪೇ… ಸಹಜಾತೇ ದ್ವೇ…ಪೇ… ಉಪನಿಸ್ಸಯೇ ಚತ್ತಾರಿ, ಆಸೇವನೇ ತೀಣಿ, ಕಮ್ಮೇ ದ್ವೇ…ಪೇ… ಅತ್ಥಿಯಾ ದ್ವೇ, ನತ್ಥಿಯಾ ತೀಣಿ…ಪೇ… ಅವಿಗತೇ ದ್ವೇ (ಸಂಖಿತ್ತಂ).

೮೧. ನಅರೂಪಾವಚರಂ ಅಕುಸಲಂ ಧಮ್ಮಂ ಪಟಿಚ್ಚ ನಅರೂಪಾವಚರೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಏಕಂ (ಸಬ್ಬತ್ಥ ಏಕಂ, ಸಂಖಿತ್ತಂ).

ಅರೂಪಾವಚರಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಅರೂಪಾವಚರೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನಅರೂಪಾವಚರಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನಅರೂಪಾವಚರೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅರೂಪಾವಚರಂ ಅಬ್ಯಾಕತಞ್ಚ ನಅರೂಪಾವಚರಂ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ನಅರೂಪಾವಚರೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೮೨. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅಧಿಪತಿಯಾ ಪಞ್ಚ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ).

ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ದ್ವೇ…ಪೇ… ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ನಆಸೇವನೇ ಪಞ್ಚ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಆಹಾರೇ ಏಕಂ…ಪೇ… ನವಿಪ್ಪಯುತ್ತೇ ದ್ವೇ…ಪೇ… ನೋವಿಗತೇ ತೀಣಿ (ಸಂಖಿತ್ತಂ. ಸಹಜಾತವಾರಾದಿ ವಿತ್ಥಾರೇತಬ್ಬೋ).

೮೩. ಅರೂಪಾವಚರೋ ಅಬ್ಯಾಕತೋ ಧಮ್ಮೋ ಅರೂಪಾವಚರಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ನಅರೂಪಾವಚರೋ ಅಬ್ಯಾಕತೋ ಧಮ್ಮೋ ನಅರೂಪಾವಚರಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೮೪. ಹೇತುಯಾ ಚತ್ತಾರಿ, ಆರಮ್ಮಣೇ ತೀಣಿ (ಅರೂಪಾವಚರಮೂಲೇ ದ್ವೇ, ನಅರೂಪಾವಚರೇ ಏಕಂ), ಅಧಿಪತಿಯಾ ಚತ್ತಾರಿ (ಅರೂಪಾವಚರಮೂಲೇ ತೀಣಿ, ನಅರೂಪೇ ಏಕಂ), ಅನನ್ತರೇ ಚತ್ತಾರಿ…ಪೇ… ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಪಚ್ಛಾಜಾತೇ ದ್ವೇ, ಆಸೇವನೇ ತೀಣಿ, ಕಮ್ಮೇ ಚತ್ತಾರಿ, ವಿಪಾಕೇ ದ್ವೇ…ಪೇ… ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ನತ್ಥಿಯಾ ಚತ್ತಾರಿ…ಪೇ… ಅವಿಗತೇ ಸತ್ತ (ಸಂಖಿತ್ತಂ).