೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೫೭. ಉಪೇಕ್ಖಾಸಹಗತಂ ಕುಸಲಂ ಧಮ್ಮಂ ಪಟಿಚ್ಚ…ಪೇ… ಛ (ಸಪ್ಪೀತಿಕದುಕಸದಿಸಂ, ಉಪೇಕ್ಖಾತಿ ನಾನಾಉಪೇಕ್ಖಾ ಅಬ್ಯಾಕತೇ. ಪಚ್ಚನೀಯೇ ನಹೇತುಯಾ ನವ, ನಝಾನೇ ಛ).

೫೮. ಉಪೇಕ್ಖಾಸಹಗತಂ ಅಕುಸಲಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಛ (ಸಬ್ಬತ್ಥ ಛ. ಸಂಖಿತ್ತಂ).

೫೯. ಉಪೇಕ್ಖಾಸಹಗತಂ ಅಕುಸಲಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧)

ನಉಪೇಕ್ಖಾಸಹಗತಂ ಅಕುಸಲಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧)

ಉಪೇಕ್ಖಾಸಹಗತಞ್ಚ ನಉಪೇಕ್ಖಾಸಹಗತಞ್ಚ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧) (ಸಂಖಿತ್ತಂ.)

೬೦. ನಹೇತುಯಾ ತೀಣಿ, ನಅಧಿಪತಿಯಾ ಛ…ಪೇ… ನವಿಪ್ಪಯುತ್ತೇ ಛ (ಸಂಖಿತ್ತಂ. ಏವಂ ಸಬ್ಬತ್ಥ ಅಕುಸಲಂ ವಿತ್ಥಾರೇತಬ್ಬಂ. ಸಪ್ಪೀತಿಕದುಕಸದಿಸಂ).

೬೧. ಉಪೇಕ್ಖಾಸಹಗತಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ ನವ ಪಞ್ಹಾ (ಸಪ್ಪೀತಿಕದುಕಅಬ್ಯಾಕತಸದಿಸಂ. ಪಞ್ಹಾವಾರೇ ಕುಸಲಾಕುಸಲೇ ಇನ್ದ್ರಿಯೇ ಝಾನೇ ಛ, ಅಬ್ಯಾಕತೇ ನವ).