೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೨೮. ಕಿಲೇಸವಿಪ್ಪಯುತ್ತಂ ಸಂಕಿಲೇಸಿಕಂ ಕುಸಲಂ ಧಮ್ಮಂ ಪಟಿಚ್ಚ ಕಿಲೇಸವಿಪ್ಪಯುತ್ತೋ ಸಂಕಿಲೇಸಿಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕಿಲೇಸವಿಪ್ಪಯುತ್ತಂ ಅಸಂಕಿಲೇಸಿಕಂ ಕುಸಲಂ ಧಮ್ಮಂ ಪಟಿಚ್ಚ ಕಿಲೇಸವಿಪ್ಪಯುತ್ತೋ ಅಸಂಕಿಲೇಸಿಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

೨೯. ಹೇತುಯಾ ದ್ವೇ, ಆರಮ್ಮಣೇ ದ್ವೇ…ಪೇ… ಅವಿಗತೇ ದ್ವೇ (ಸಂಖಿತ್ತಂ. ಲೋಕಿಯದುಕಕುಸಲಸದಿಸಂ. ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ವಿತ್ಥಾರೇತಬ್ಬಂ).

೩೦. ಕಿಲೇಸವಿಪ್ಪಯುತ್ತಂ ಸಂಕಿಲೇಸಿಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಕಿಲೇಸವಿಪ್ಪಯುತ್ತೋ ಸಂಕಿಲೇಸಿಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕಿಲೇಸವಿಪ್ಪಯುತ್ತಂ ಅಸಂಕಿಲೇಸಿಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಕಿಲೇಸವಿಪ್ಪಯುತ್ತೋ ಅಸಂಕಿಲೇಸಿಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಕಿಲೇಸವಿಪ್ಪಯುತ್ತಂ ಸಂಕಿಲೇಸಿಕಂ ಅಬ್ಯಾಕತಞ್ಚ ಕಿಲೇಸವಿಪ್ಪಯುತ್ತಂ ಅಸಂಕಿಲೇಸಿಕಂ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ಕಿಲೇಸವಿಪ್ಪಯುತ್ತೋ ಸಂಕಿಲೇಸಿಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೩೧. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ…ಪೇ… ಆಸೇವನೇ ಏಕಂ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ. ಲೋಕಿಯದುಕಅಬ್ಯಾಕತಸದಿಸಂ. ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ವಿತ್ಥಾರೇತಬ್ಬಂ).

ಕಿಲೇಸಗೋಚ್ಛಕಕುಸಲತ್ತಿಕಂ ನಿಟ್ಠಿತಂ.