೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೧. ನೋಕಿಲೇಸಂ ಕುಸಲಂ ಧಮ್ಮಂ ಪಟಿಚ್ಚ ನೋಕಿಲೇಸೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೨. ಕಿಲೇಸಂ ಅಕುಸಲಂ ಧಮ್ಮಂ ಪಟಿಚ್ಚ ಕಿಲೇಸೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನೋಕಿಲೇಸಂ ಅಕುಸಲಂ ಧಮ್ಮಂ ಪಟಿಚ್ಚ ನೋಕಿಲೇಸೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಕಿಲೇಸಂ ಅಕುಸಲಞ್ಚ ನೋಕಿಲೇಸಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೩. ಹೇತುಯಾ ನವ, ಆರಮ್ಮಣೇ ನವ (ಸಬ್ಬತ್ಥ ನವ), ಅವಿಗತೇ ನವ (ಸಂಖಿತ್ತಂ).

೪. ಕಿಲೇಸಂ ಅಕುಸಲಂ ಧಮ್ಮಂ ಪಟಿಚ್ಚ ಕಿಲೇಸೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಂ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ, ಉದ್ಧಚ್ಚಂ ಪಟಿಚ್ಚ ಉದ್ಧಚ್ಚಸಹಗತೋ ಮೋಹೋ (೧).

ನೋಕಿಲೇಸಂ ಅಕುಸಲಂ ಧಮ್ಮಂ ಪಟಿಚ್ಚ ಕಿಲೇಸೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ಕಿಲೇಸಂ ಅಕುಸಲಞ್ಚ ನೋಕಿಲೇಸಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಕಿಲೇಸೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ವಿಚಿಕಿಚ್ಛಞ್ಚ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ, ಉದ್ಧಚ್ಚಸಹಗತೇ ಖನ್ಧೇ ಚ ಉದ್ಧಚ್ಚಞ್ಚ ಪಟಿಚ್ಚ ಉದ್ಧಚ್ಚಸಹಗತೋ ಮೋಹೋ. (೧) (ಸಂಖಿತ್ತಂ.)

೫. ನಹೇತುಯಾ ತೀಣಿ, ನಅಧಿಪತಿಯಾ ನವ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನವಿಪ್ಪಯುತ್ತೇ ನವ (ಸಂಖಿತ್ತಂ, ಸಹಜಾತವಾರಾದಿ ವಿತ್ಥಾರೇತಬ್ಬೋ).

೬. ಕಿಲೇಸೋ ಅಕುಸಲೋ ಧಮ್ಮೋ ಕಿಲೇಸಸ್ಸ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೭. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ (ಮಜ್ಝೇ ತೀಣಿ ಸಹಜಾತಾಧಿಪತಿ), ಅನನ್ತರೇ ನವ, ಸಮನನ್ತರೇ ನವ…ಪೇ… ಉಪನಿಸ್ಸಯೇ ನವ, ಆಸೇವನೇ ನವ, ಕಮ್ಮೇ ತೀಣಿ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ನವ, ಸಮ್ಪಯುತ್ತೇ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನೋಕಿಲೇಸಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನೋಕಿಲೇಸೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

೮. ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)