೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೨೧. ಉಪಾದಾನಿಯಞ್ಚೇವ ನೋ ಚ ಉಪಾದಾನಂ ಕುಸಲಂ ಧಮ್ಮಂ ಪಟಿಚ್ಚ ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೨೨. ಉಪಾದಾನಞ್ಚೇವ ಉಪಾದಾನಿಯಞ್ಚ ಅಕುಸಲಂ ಧಮ್ಮಂ ಪಟಿಚ್ಚ ಉಪಾದಾನೋ ಚೇವ ಉಪಾದಾನಿಯೋ ಚ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಉಪಾದಾನಿಯಞ್ಚೇವ ನೋ ಚ ಉಪಾದಾನಂ ಅಕುಸಲಂ ಧಮ್ಮಂ ಪಟಿಚ್ಚ ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಉಪಾದಾನಞ್ಚೇವ ಉಪಾದಾನಿಯಂ ಅಕುಸಲಞ್ಚ ಉಪಾದಾನಿಯಞ್ಚೇವ ನೋ ಚ ಉಪಾದಾನಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಉಪಾದಾನೋ ಚೇವ ಉಪಾದಾನಿಯೋ ಚ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೨೩. ಹೇತುಯಾ ನವ, ಆರಮ್ಮಣೇ ನವ…ಪೇ… ಅವಿಗತೇ ನವ (ಸಂಖಿತ್ತಂ. ಇಮಂ ಗಮನಂ ಉಪಾದಾನದುಕಅಕುಸಲಸದಿಸಂ. ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ).

೨೪. ಉಪಾದಾನಿಯಞ್ಚೇವ ನೋ ಚ ಉಪಾದಾನಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಉಪಾದಾನಿಯೋ ಚೇವ ನೋ ಚ ಉಪಾದಾನೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

೨೫. ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)