೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೧೦. ಉಪಾದಾನಿಯಂ ಕುಸಲಂ ಧಮ್ಮಂ ಪಟಿಚ್ಚ ಉಪಾದಾನಿಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅನುಪಾದಾನಿಯಂ ಕುಸಲಂ ಧಮ್ಮಂ ಪಟಿಚ್ಚ ಅನುಪಾದಾನಿಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೧೧. ಹೇತುಯಾ ದ್ವೇ, ಆರಮ್ಮಣೇ ದ್ವೇ…ಪೇ… ಅವಿಗತೇ ದ್ವೇ (ಸಂಖಿತ್ತಂ. ಲೋಕಿಯಲೋಕುತ್ತರದುಕಕುಸಲಸದಿಸಂ. ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ.)

೧೨. ಉಪಾದಾನಿಯಂ ಅಕುಸಲಂ ಧಮ್ಮಂ ಪಟಿಚ್ಚ ಉಪಾದಾನಿಯೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೧೩. ಉಪಾದಾನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಉಪಾದಾನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅನುಪಾದಾನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಅನುಪಾದಾನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅನುಪಾದಾನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಉಪಾದಾನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅನುಪಾದಾನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಉಪಾದಾನಿಯೋ ಅಬ್ಯಾಕತೋ ಚ ಅನುಪಾದಾನಿಯೋ ಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಉಪಾದಾನಿಯಂ ಅಬ್ಯಾಕತಞ್ಚ ಅನುಪಾದಾನಿಯಂ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ಉಪಾದಾನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೧೪. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ…ಪೇ… ಆಸೇವನೇ ಏಕಂ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ. ಲೋಕಿಯದುಕಅಬ್ಯಾಕತಸದಿಸಂ. ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ).