೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೨೮. ಉಪಾದಾನವಿಪ್ಪಯುತ್ತಂ ಉಪಾದಾನಿಯಂ ಕುಸಲಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಉಪಾದಾನಿಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಉಪಾದಾನವಿಪ್ಪಯುತ್ತಂ ಅನುಪಾದಾನಿಯಂ ಕುಸಲಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಅನುಪಾದಾನಿಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೨೯. ಹೇತುಯಾ ದ್ವೇ, ಆರಮ್ಮಣೇ ದ್ವೇ…ಪೇ… ಅವಿಗತೇ ದ್ವೇ (ಸಂಖಿತ್ತಂ. ಲೋಕಿಯದುಕಕುಸಲಸದಿಸಂ. ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ).

೩೦. ಉಪಾದಾನವಿಪ್ಪಯುತ್ತಂ ಉಪಾದಾನಿಯಂ ಅಕುಸಲಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಉಪಾದಾನಿಯೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಬ್ಬತ್ಥ ಏಕಂ).

ಉಪಾದಾನವಿಪ್ಪಯುತ್ತಂ ಉಪಾದಾನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಉಪಾದಾನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಉಪಾದಾನವಿಪ್ಪಯುತ್ತಂ ಅನುಪಾದಾನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಅನುಪಾದಾನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಉಪಾದಾನವಿಪ್ಪಯುತ್ತಂ ಉಪಾದಾನಿಯಂ ಅಬ್ಯಾಕತಞ್ಚ ಉಪಾದಾನವಿಪ್ಪಯುತ್ತಂ ಅನುಪಾದಾನಿಯಂ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ಉಪಾದಾನವಿಪ್ಪಯುತ್ತೋ ಉಪಾದಾನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೩೧. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ. ಲೋಕಿಯದುಕಅಬ್ಯಾಕತಸದಿಸಂ. ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ಸಬ್ಬತ್ಥ ವಿತ್ಥಾರೇತಬ್ಬಂ).

ಉಪಾದಾನಗೋಚ್ಛಕಕುಸಲತ್ತಿಕಂ ನಿಟ್ಠಿತಂ.