೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೧೯. ಚೇತಸಿಕಂ ಕುಸಲಂ ಧಮ್ಮಂ ಪಟಿಚ್ಚ ಚೇತಸಿಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಚೇತಸಿಕಂ ಕುಸಲಂ ಧಮ್ಮಂ ಪಟಿಚ್ಚ ಅಚೇತಸಿಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಚೇತಸಿಕಂ ಕುಸಲಂ ಧಮ್ಮಂ ಪಟಿಚ್ಚ ಚೇತಸಿಕೋ ಕುಸಲೋ ಚ ಅಚೇತಸಿಕೋ ಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಅಚೇತಸಿಕಂ ಕುಸಲಂ ಧಮ್ಮಂ ಪಟಿಚ್ಚ ಚೇತಸಿಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಚೇತಸಿಕಂ ಕುಸಲಞ್ಚ ಅಚೇತಸಿಕಂ ಕುಸಲಞ್ಚ ಧಮ್ಮಂ ಪಟಿಚ್ಚ ಚೇತಸಿಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೨೦. ಹೇತುಯಾ ಪಞ್ಚ, ಆರಮ್ಮಣೇ ಪಞ್ಚ, ಅಧಿಪತಿಯಾ ಪಞ್ಚ…ಪೇ… ಅವಿಗತೇ ಪಞ್ಚ.

ನಅಧಿಪತಿಯಾ ಪಞ್ಚ, ನಪುರೇಜಾತೇ ಪಞ್ಚ…ಪೇ… ನಕಮ್ಮೇ ತೀಣಿ, ನವಿಪಾಕೇ ಪಞ್ಚ…ಪೇ… ನವಿಪ್ಪಯುತ್ತೇ ಪಞ್ಚ (ಸಂಖಿತ್ತಂ, ಸಹಜಾತವಾರಾದಿ ವಿತ್ಥಾರೇತಬ್ಬೋ).

೨೧. ಚೇತಸಿಕೋ ಕುಸಲೋ ಧಮ್ಮೋ ಚೇತಸಿಕಸ್ಸ ಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೨೨. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ (ಆದಿಮ್ಹಿ ತೀಣಿ, ಸಹಜಾತಾಧಿಪತಿ, ಮಜ್ಝಿಮೇಸು ತೀಸು ಮಜ್ಝಿಮಾನುಲೋಮಿಕಾಯೇವ ಪಞ್ಹಾ, ಸಹಜಾತಾಧಿಪತಿ,) ಅನನ್ತರೇ ನವ…ಪೇ… ಸಹಜಾತೇ ಪಞ್ಚ…ಪೇ… ಉಪನಿಸ್ಸಯೇ ನವ, ಆಸೇವನೇ ನವ, ಕಮ್ಮೇ ತೀಣಿ, ಆಹಾರೇ ಪಞ್ಚ, ಇನ್ದ್ರಿಯೇ ಪಞ್ಚ, ಝಾನೇ ತೀಣಿ, ಮಗ್ಗೇ ತೀಣಿ, ಸಮ್ಪಯುತ್ತೇ ಪಞ್ಚ, ಅತ್ಥಿಯಾ ಪಞ್ಚ, ನತ್ಥಿಯಾ ನವ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ).

೨೩. ಚೇತಸಿಕಂ ಅಕುಸಲಂ ಧಮ್ಮಂ ಪಟಿಚ್ಚ ಚೇತಸಿಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಚೇತಸಿಕಂ ಅಕುಸಲಂ ಧಮ್ಮಂ ಪಟಿಚ್ಚ ಅಚೇತಸಿಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಚೇತಸಿಕಂ ಅಕುಸಲಂ ಧಮ್ಮಂ ಪಟಿಚ್ಚ ಚೇತಸಿಕೋ ಅಕುಸಲೋ ಚ ಅಚೇತಸಿಕೋ ಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಅಚೇತಸಿಕಂ ಅಕುಸಲಂ ಧಮ್ಮಂ ಪಟಿಚ್ಚ ಚೇತಸಿಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಚೇತಸಿಕಂ ಅಕುಸಲಞ್ಚ ಅಚೇತಸಿಕಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಚೇತಸಿಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೨೪. ಹೇತುಯಾ ಪಞ್ಚ, ಆರಮ್ಮಣೇ ಪಞ್ಚ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ, ಯಥಾ ಕುಸಲನಯಂ ಏವಂ ನಹೇತುಪಚ್ಚಯಮ್ಪಿ ಕಾತಬ್ಬಂ). (ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ).

೨೫. ಚೇತಸಿಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಚೇತಸಿಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಚೇತಸಿಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಅಚೇತಸಿಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಚೇತಸಿಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಚೇತಸಿಕೋ ಅಬ್ಯಾಕತೋ ಚ ಅಚೇತಸಿಕೋ ಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಅಚೇತಸಿಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಅಚೇತಸಿಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಚೇತಸಿಕಂ ಅಬ್ಯಾಕತಞ್ಚ ಅಚೇತಸಿಕಂ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ಚೇತಸಿಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೨೬. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಪುರೇಜಾತೇ ಆಸೇವನೇ ಪಞ್ಚ, ಕಮ್ಮೇ ನವ, ವಿಪಾಕೇ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನಹೇತುಯಾ ನವ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ (ಸಬ್ಬೇ ಕಾತಬ್ಬಾ)…ಪೇ… ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಛ, ನಮಗ್ಗೇ ನವ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ…ಪೇ… ನೋವಿಗತೇ ತೀಣಿ. (ಸಂಖಿತ್ತಂ, ಸಹಜಾತವಾರಾದಿ ವಿತ್ಥಾರೇತಬ್ಬೋ).

೨೭. ಚೇತಸಿಕೋ ಅಬ್ಯಾಕತೋ ಧಮ್ಮೋ ಚೇತಸಿಕಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೨೮. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ (ಏತ್ಥ ಛಸು ಸಹಜಾತಾಧಿಪತಿ), ಅನನ್ತರೇ ನವ…ಪೇ… ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಆಸೇವನೇ ನವ, ಕಮ್ಮೇ ತೀಣಿ, ವಿಪಾಕೇ ನವ, ಆಹಾರೇ ನವ, ಇನ್ದ್ರಿಯೇ ನವ, ಝಾನೇ ತೀಣಿ, ಮಗ್ಗೇ ತೀಣಿ, ಸಮ್ಪಯುತ್ತೇ ಪಞ್ಚ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ…ಪೇ… ಅವಿಗತೇ ನವ (ಸಂಖಿತ್ತಂ).