೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೯೨. ನೋಉಪಾದಾ ಕುಸಲಂ ಧಮ್ಮಂ ಪಟಿಚ್ಚ ನೋಉಪಾದಾ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೯೩. ನೋಉಪಾದಾ ಅಕುಸಲಂ ಧಮ್ಮಂ ಪಟಿಚ್ಚ ನೋಉಪಾದಾ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ …ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೯೪. ಉಪಾದಾ ಅಬ್ಯಾಕತಂ ಧಮ್ಮಂ ಪಟಿಚ್ಚ ನೋಉಪಾದಾ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ನೋಉಪಾದಾ ಅಬ್ಯಾಕತಂ ಧಮ್ಮಂ ಪಟಿಚ್ಚ ನೋಉಪಾದಾ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನೋಉಪಾದಾ ಅಬ್ಯಾಕತಂ ಧಮ್ಮಂ ಪಟಿಚ್ಚ ಉಪಾದಾ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನೋಉಪಾದಾ ಅಬ್ಯಾಕತಂ ಧಮ್ಮಂ ಪಟಿಚ್ಚ ಉಪಾದಾ ಅಬ್ಯಾಕತೋ ಚ ನೋಉಪಾದಾ ಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಉಪಾದಾ ಅಬ್ಯಾಕತಞ್ಚ ನೋಉಪಾದಾ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ನೋಉಪಾದಾ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೯೫. ಹೇತುಯಾ ಪಞ್ಚ, ಆರಮ್ಮಣೇ ತೀಣಿ…ಪೇ… ಅಞ್ಞಮಞ್ಞೇ ಪಞ್ಚ…ಪೇ… ಪುರೇಜಾತೇ ಏಕಂ, ಆಸೇವನೇ ಏಕಂ, ಕಮ್ಮೇ ಪಞ್ಚ, ವಿಪಾಕೇ ಪಞ್ಚ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ).

ನಹೇತುಯಾ ಪಞ್ಚ, ನಆರಮ್ಮಣೇ ತೀಣಿ, ನಅಧಿಪತಿಯಾ ಪಞ್ಚ…ಪೇ… ನಪುರೇಜಾತೇ ಪಞ್ಚ…ಪೇ… ನಕಮ್ಮೇ ತೀಣಿ, ನವಿಪಾಕೇ ತೀಣಿ, ನಆಹಾರೇ ತೀಣಿ, ನಇನ್ದ್ರಿಯೇ ತೀಣಿ, ನಝಾನೇ ತೀಣಿ, ನಮಗ್ಗೇ ಪಞ್ಚ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ವಿತ್ಥಾರೇತಬ್ಬಂ.)

ಹೇತುಆರಮ್ಮಣಪಚ್ಚಯಾದಿ

೯೬. ನೋಉಪಾದಾ ಅಬ್ಯಾಕತೋ ಧಮ್ಮೋ ನೋಉಪಾದಾ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಉಪಾದಾ ಅಬ್ಯಾಕತೋ ಧಮ್ಮೋ ನೋಉಪಾದಾ ಅಬ್ಯಾಕತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ನೋಉಪಾದಾ ಅಬ್ಯಾಕತೋ ಧಮ್ಮೋ ನೋಉಪಾದಾ ಅಬ್ಯಾಕತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ನೋಉಪಾದಾ ಅಬ್ಯಾಕತೋ ಧಮ್ಮೋ ನೋಉಪಾದಾ ಅಬ್ಯಾಕತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ… ತೀಣಿ (ಪಠಮೇ ದ್ವೇಪಿ ಅಧಿಪತೀ, ದ್ವೀಸು ಸಹಜಾತಾಧಿಪತಿ).

ಉಪಾದಾ ಅಬ್ಯಾಕತೋ ಧಮ್ಮೋ ನೋಉಪಾದಾ ಅಬ್ಯಾಕತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ನೋಉಪಾದಾ ಅಬ್ಯಾಕತೋ ಧಮ್ಮೋ ನೋಉಪಾದಾ ಅಬ್ಯಾಕತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೯೭. ಉಪನಿಸ್ಸಯೇ ದ್ವೇ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ಏಕಂ, ಕಮ್ಮೇ ತೀಣಿ, ವಿಪಾಕೇ ತೀಣಿ, ಆಹಾರೇ ಛ, ಇನ್ದ್ರಿಯೇ ಸತ್ತ, ಝಾನೇ ತೀಣಿ, ಮಗ್ಗೇ ತೀಣಿ, ಸಮ್ಪಯುತ್ತೇ ಏಕಂ, ವಿಪ್ಪಯುತ್ತೇ ಚತ್ತಾರಿ, ಅತ್ಥಿಯಾ ನವ…ಪೇ… ಅವಿಗತೇ ನವ (ಸಂಖಿತ್ತಂ).