೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೬೫. ಚಿತ್ತಸಂಸಟ್ಠಸಮುಟ್ಠಾನಂ ಕುಸಲಂ ಧಮ್ಮಂ ಪಟಿಚ್ಚ ಚಿತ್ತಸಂಸಟ್ಠಸಮುಟ್ಠಾನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಚಿತ್ತಸಂಸಟ್ಠಸಮುಟ್ಠಾನಂ ಕುಸಲಂ ಧಮ್ಮಂ ಪಟಿಚ್ಚ ನೋಚಿತ್ತಸಂಸಟ್ಠಸಮುಟ್ಠಾನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಚಿತ್ತಸಂಸಟ್ಠಸಮುಟ್ಠಾನಂ ಕುಸಲಂ ಧಮ್ಮಂ ಪಟಿಚ್ಚ ಚಿತ್ತಸಂಸಟ್ಠಸಮುಟ್ಠಾನೋ ಕುಸಲೋ ಚ ನೋಚಿತ್ತಸಂಸಟ್ಠಸಮುಟ್ಠಾನೋ ಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ನೋಚಿತ್ತಸಂಸಟ್ಠಸಮುಟ್ಠಾನಂ ಕುಸಲಂ ಧಮ್ಮಂ ಪಟಿಚ್ಚ ಚಿತ್ತಸಂಸಟ್ಠಸಮುಟ್ಠಾನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಚಿತ್ತಸಂಸಟ್ಠಸಮುಟ್ಠಾನಂ ಕುಸಲಞ್ಚ ನೋಚಿತ್ತಸಂಸಟ್ಠಸಮುಟ್ಠಾನಂ ಕುಸಲಞ್ಚ ಧಮ್ಮಂ ಪಟಿಚ್ಚ ಚಿತ್ತಸಂಸಟ್ಠಸಮುಟ್ಠಾನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೬೬. ಹೇತುಯಾ ಪಞ್ಚ, ಆರಮ್ಮಣೇ ಪಞ್ಚ…ಪೇ… ಅವಿಗತೇ ಪಞ್ಚ. (ಸಂಖಿತ್ತಂ. ಯಥಾ ಮಹನ್ತರದುಕೇ ಚೇತಸಿಕದುಕಕುಸಲಸದಿಸಂ, ತತ್ತಕಾ ಏವ ಪಞ್ಹಾ. ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ.)

೬೭. ಚಿತ್ತಸಂಸಟ್ಠಸಮುಟ್ಠಾನಂ ಅಕುಸಲಂ ಧಮ್ಮಂ ಪಟಿಚ್ಚ ಚಿತ್ತಸಂಸಟ್ಠಸಮುಟ್ಠಾನೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನೋಚಿತ್ತಸಂಸಟ್ಠಸಮುಟ್ಠಾನಂ ಅಕುಸಲಂ ಧಮ್ಮಂ ಪಟಿಚ್ಚ ಚಿತ್ತಸಂಸಟ್ಠಸಮುಟ್ಠಾನೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಚಿತ್ತಸಂಸಟ್ಠಸಮುಟ್ಠಾನಂ ಅಕುಸಲಞ್ಚ ನೋಚಿತ್ತಸಂಸಟ್ಠಸಮುಟ್ಠಾನಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಚಿತ್ತಸಂಸಟ್ಠಸಮುಟ್ಠಾನೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೬೮. ಹೇತುಯಾ ಪಞ್ಚ, ಆರಮ್ಮಣೇ ಪಞ್ಚ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ. ಚೇತಸಿಕದುಕಅಕುಸಲಸದಿಸಂ. ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ.)

೬೯. ಚಿತ್ತಸಂಸಟ್ಠಸಮುಟ್ಠಾನಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಚಿತ್ತಸಂಸಟ್ಠಸಮುಟ್ಠಾನೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನೋಚಿತ್ತಸಂಸಟ್ಠಸಮುಟ್ಠಾನಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನೋಚಿತ್ತಸಂಸಟ್ಠಸಮುಟ್ಠಾನೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಚಿತ್ತಸಂಸಟ್ಠಸಮುಟ್ಠಾನಂ ಅಬ್ಯಾಕತಞ್ಚ ನೋಚಿತ್ತಸಂಸಟ್ಠಸಮುಟ್ಠಾನಂ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ಚಿತ್ತಸಂಸಟ್ಠಸಮುಟ್ಠಾನೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೭೦. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಪುರೇಜಾತೇ ಪಞ್ಚ, ಆಸೇವನೇ ಪಞ್ಚ, ಕಮ್ಮೇ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನಹೇತುಯಾ ನವ, ನಆರಮ್ಮಣೇ ತೀಣಿ…ಪೇ… ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಛ, ನಮಗ್ಗೇ ನವ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಛ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ವಿತ್ಥಾರೇತಬ್ಬಂ).

೭೧. ಚಿತ್ತಸಂಸಟ್ಠಸಮುಟ್ಠಾನೋ ಅಬ್ಯಾಕತೋ ಧಮ್ಮೋ ಚಿತ್ತಸಂಸಟ್ಠಸಮುಟ್ಠಾನಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೭೨. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ (ಏತ್ಥ ಛಸು ಸಹಜಾತಾಧಿಪತಿ), ಅನನ್ತರೇ ನವ (ಸಬ್ಬತ್ಥ ನವ), ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ನವ, ಕಮ್ಮೇ ತೀಣಿ, ವಿಪಾಕೇ ನವ, ಆಹಾರೇ ನವ, ಇನ್ದ್ರಿಯೇ ನವ, ಝಾನೇ ತೀಣಿ, ಮಗ್ಗೇ ತೀಣಿ, ಸಮ್ಪಯುತ್ತೇ ಪಞ್ಚ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನಹೇತುಯಾ ನವ, ನಆರಮ್ಮಣೇ ನವ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಸ್ಸ ಅನುಲೋಮಮ್ಪಿ ಪಚ್ಚನೀಯಮ್ಪಿ ಅನುಲೋಮಪಚ್ಚನೀಯಮ್ಪಿ ಪಚ್ಚನೀಯಾನುಲೋಮಮ್ಪಿ ಗಣಿತಂ, ಏವಂ ಗಣೇತಬ್ಬಂ.)