೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೫೩. ಚಿತ್ತಸಹಭುಂ ಕುಸಲಂ ಧಮ್ಮಂ ಪಟಿಚ್ಚ ಚಿತ್ತಸಹಭೂ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಚಿತ್ತಸಹಭುಂ ಕುಸಲಂ ಧಮ್ಮಂ ಪಟಿಚ್ಚ ನೋಚಿತ್ತಸಹಭೂ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಚಿತ್ತಸಹಭುಂ ಕುಸಲಂ ಧಮ್ಮಂ ಪಟಿಚ್ಚ ಚಿತ್ತಸಹಭೂ ಕುಸಲೋ ಚ ನೋಚಿತ್ತಸಹಭೂ ಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ನೋಚಿತ್ತಸಹಭುಂ ಕುಸಲಂ ಧಮ್ಮಂ ಪಟಿಚ್ಚ ಚಿತ್ತಸಹಭೂ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಚಿತ್ತಸಹಭುಂ ಕುಸಲಞ್ಚ ನೋಚಿತ್ತಸಹಭುಂ ಕುಸಲಞ್ಚ ಧಮ್ಮಂ ಪಟಿಚ್ಚ ಚಿತ್ತಸಹಭೂ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೫೪. ಹೇತುಯಾ ಪಞ್ಚ, ಆರಮ್ಮಣೇ ಪಞ್ಚ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ). (ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ).

೫೫. ಚಿತ್ತಸಹಭುಂ ಅಕುಸಲಂ ಧಮ್ಮಂ ಪಟಿಚ್ಚ ಚಿತ್ತಸಹಭೂ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನೋಚಿತ್ತಸಹಭುಂ ಅಕುಸಲಂ ಧಮ್ಮಂ ಪಟಿಚ್ಚ ಚಿತ್ತಸಹಭೂ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಚಿತ್ತಸಹಭುಂ ಅಕುಸಲಞ್ಚ ನೋಚಿತ್ತಸಹಭುಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಚಿತ್ತಸಹಭೂ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೫೬. ಹೇತುಯಾ ಪಞ್ಚ, ಆರಮ್ಮಣೇ ಪಞ್ಚ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ).

(ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ.)

೫೭. ಚಿತ್ತಸಹಭುಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಚಿತ್ತಸಹಭೂ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನೋಚಿತ್ತಸಹಭುಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನೋಚಿತ್ತಸಹಭೂ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಚಿತ್ತಸಹಭುಂ ಅಬ್ಯಾಕತಞ್ಚ ನೋಚಿತ್ತಸಹಭುಂ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ಚಿತ್ತಸಹಭೂ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೫೮. ಹೇತುಯಾ ನವ, ಆರಮ್ಮಣೇ ನವ…ಪೇ… ಅವಿಗತೇ ನವ. (ಸಂಖಿತ್ತಂ. ಯಥಾ ಚೇತಸಿಕದುಕಮೂಲಾ ತೀಣಿ ಗಮನಾ, ಏವಂ ಇಮೇಪಿ ತೀಣಿ ಗಮನಾ ಕಾತಬ್ಬಾ. ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ.)