೨. ಸಙ್ಖ್ಯಾವಾರೋ

೪೮. ಹೇತುಯಾ ಸತ್ತರಸ, ಆರಮ್ಮಣೇ ನವ, ಅಧಿಪತಿಯಾ ಏಕವೀಸ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ಸತ್ತರಸ, ಅಞ್ಞಮಞ್ಞೇ ಸತ್ತರಸ, ನಿಸ್ಸಯೇ ಸತ್ತರಸ, ಉಪನಿಸ್ಸಯೇ ಏಕವೀಸ, ಆಸೇವನೇ ನವ, ಕಮ್ಮೇ ಸತ್ತರಸ, ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸಮ್ಪಯುತ್ತೇ ಸತ್ತರಸ, ಅತ್ಥಿಯಾ ಸತ್ತರಸ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ಸತ್ತರಸ (ಏವಂ ಗಣೇತಬ್ಬಂ).

ಅನುಲೋಮಂ.

ಪಚ್ಚನೀಯುದ್ಧಾರೋ

೪೯. ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೫೦. ಮಗ್ಗಹೇತುಕೋ ಧಮ್ಮೋ ಮಗ್ಗಹೇತುಕಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಮಗ್ಗಹೇತುಕೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಮಗ್ಗಹೇತುಕೋ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಮಗ್ಗಹೇತುಕೋ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಮಗ್ಗಹೇತುಕೋ ಧಮ್ಮೋ ಮಗ್ಗಹೇತುಕಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

೫೧. ಮಗ್ಗಾಧಿಪತಿ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಮಗ್ಗಾಧಿಪತಿ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಮಗ್ಗಾಧಿಪತಿ ಧಮ್ಮೋ ಮಗ್ಗಹೇತುಕಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಮಗ್ಗಾಧಿಪತಿ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಮಗ್ಗಾಧಿಪತಿ ಧಮ್ಮೋ ಮಗ್ಗಹೇತುಕಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

೫೨. ಮಗ್ಗಾರಮ್ಮಣೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಮಗ್ಗಾರಮ್ಮಣೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಮಗ್ಗಾರಮ್ಮಣೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೫೩. ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಹೇತುಕಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಹೇತುಕಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)