೧. ವಿಭಙ್ಗವಾರೋ

ಹೇತುಪಚ್ಚಯೋ

೨೭. ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಮಗ್ಗಾರಮ್ಮಣಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಮಗ್ಗಾರಮ್ಮಣಾ ಹೇತೂ ಸಮ್ಪಯುತ್ತಕಾನಂ ಮಗ್ಗಾಧಿಪತೀನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಇಮಿನಾ ಕಾರಣೇನ ಸತ್ತರಸ ಪಞ್ಹಾ ಕಾತಬ್ಬಾ).

ಆರಮ್ಮಣಪಚ್ಚಯೋ

೨೮. ಮಗ್ಗಹೇತುಕೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಚೇತೋಪರಿಯಞಾಣೇನ ಮಗ್ಗಹೇತುಕಚಿತ್ತಸಮಙ್ಗಿಸ್ಸ ಚಿತ್ತಂ ಜಾನನ್ತಿ, ಮಗ್ಗಹೇತುಕಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಮಗ್ಗಹೇತುಕೋ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೨)

ಮಗ್ಗಹೇತುಕೋ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೩)

೨೯. ಮಗ್ಗಾಧಿಪತಿ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೧)

ಮಗ್ಗಾಧಿಪತಿ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಚೇತೋಪರಿಯಞಾಣೇನ ಮಗ್ಗಾಧಿಪತಿಚಿತ್ತಸಮಙ್ಗಿಸ್ಸ ಚಿತ್ತಂ ಜಾನನ್ತಿ, ಮಗ್ಗಾಧಿಪತೀ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ಮಗ್ಗಾಧಿಪತಿ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೩)

೩೦. ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಚೇತೋಪರಿಯಞಾಣೇನ ಮಗ್ಗಹೇತುಕಮಗ್ಗಾಧಿಪತಿಚಿತ್ತಸಮಙ್ಗಿಸ್ಸ ಚಿತ್ತಂ ಜಾನನ್ತಿ, ಮಗ್ಗಹೇತುಕಾ ಚ ಮಗ್ಗಾಧಿಪತೀ ಚ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೨)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೩)

ಅಧಿಪತಿಪಚ್ಚಯೋ

೩೧. ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಮಗ್ಗಾರಮ್ಮಣಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಮಗ್ಗಾರಮ್ಮಣಾಧಿಪತಿ ಸಮ್ಪಯುತ್ತಕಾನಂ ಮಗ್ಗಾಧಿಪತೀನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಮಗ್ಗಾರಮ್ಮಣಾಧಿಪತಿ ಸಮ್ಪಯುತ್ತಕಾನಂ ಮಗ್ಗಾರಮ್ಮಣಾನಞ್ಚ ಮಗ್ಗಾಧಿಪತೀನಞ್ಚ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

೩೨. ಮಗ್ಗಹೇತುಕೋ ಧಮ್ಮೋ ಮಗ್ಗಹೇತುಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಮಗ್ಗಹೇತುಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಮಗ್ಗಹೇತುಕೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೨)

ಮಗ್ಗಹೇತುಕೋ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. ಸಹಜಾತಾಧಿಪತಿ – ಮಗ್ಗಹೇತುಕಾಧಿಪತಿ ಸಮ್ಪಯುತ್ತಕಾನಂ ಮಗ್ಗಾಧಿಪತೀನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

ಮಗ್ಗಹೇತುಕೋ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೪)

ಮಗ್ಗಹೇತುಕೋ ಧಮ್ಮೋ ಮಗ್ಗಹೇತುಕಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಮಗ್ಗಹೇತುಕಾಧಿಪತಿ ಸಮ್ಪಯುತ್ತಕಾನಂ ಮಗ್ಗಹೇತುಕಾನಞ್ಚ ಮಗ್ಗಾಧಿಪತೀನಞ್ಚ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೫)

೩೩. ಮಗ್ಗಾಧಿಪತಿ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. ಸಹಜಾತಾಧಿಪತಿ – ಮಗ್ಗಾಧಿಪತಿ ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಮಗ್ಗಾಧಿಪತಿ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. ಸಹಜಾತಾಧಿಪತಿ – ಮಗ್ಗಾಧಿಪತಿ ಅಧಿಪತಿ ಸಮ್ಪಯುತ್ತಕಾನಂ ಮಗ್ಗಾರಮ್ಮಣಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಮಗ್ಗಾಧಿಪತಿ ಧಮ್ಮೋ ಮಗ್ಗಹೇತುಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಮಗ್ಗಾಧಿಪತಿ ಅಧಿಪತಿ ಸಮ್ಪಯುತ್ತಕಾನಂ ಮಗ್ಗಹೇತುಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

ಮಗ್ಗಾಧಿಪತಿ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. ಸಹಜಾತಾಧಿಪತಿ – ಮಗ್ಗಾಧಿಪತಿ ಅಧಿಪತಿ ಸಮ್ಪಯುತ್ತಕಾನಂ ಮಗ್ಗಾರಮ್ಮಣಾನಞ್ಚ ಮಗ್ಗಾಧಿಪತೀನಞ್ಚ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೪)

ಮಗ್ಗಾಧಿಪತಿ ಧಮ್ಮೋ ಮಗ್ಗಹೇತುಕಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಮಗ್ಗಾಧಿಪತಿ ಅಧಿಪತಿ ಸಮ್ಪಯುತ್ತಕಾನಂ ಮಗ್ಗಾಹೇತುಕಾನಞ್ಚ ಮಗ್ಗಾಧಿಪತೀನಞ್ಚ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೫)

೩೪. ಮಗ್ಗಾರಮ್ಮಣೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಮಗ್ಗಾರಮ್ಮಣಾ ಚ ಮಗ್ಗಾಧಿಪತೀ ಚ ಅಧಿಪತಿ ಸಮ್ಪಯುತ್ತಕಾನಂ ಮಗ್ಗಾರಮ್ಮಣಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಮಗ್ಗಾರಮ್ಮಣೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಮಗ್ಗಾರಮ್ಮಣಾ ಚ ಮಗ್ಗಾಧಿಪತೀ ಚ ಅಧಿಪತಿ ಸಮ್ಪಯುತ್ತಕಾನಂ ಮಗ್ಗಾಧಿಪತೀನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಮಗ್ಗಾರಮ್ಮಣೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಮಗ್ಗಾರಮ್ಮಣಾ ಚ ಮಗ್ಗಾಧಿಪತೀ ಚ ಅಧಿಪತಿ ಸಮ್ಪಯುತ್ತಕಾನಂ ಮಗ್ಗಾರಮ್ಮಣಾನಞ್ಚ ಮಗ್ಗಾಧಿಪತೀನಞ್ಚ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

೩೫. ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೧)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಹೇತುಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಮಗ್ಗಹೇತುಕಾ ಚ ಮಗ್ಗಾಧಿಪತೀ ಚ ಅಧಿಪತಿ ಸಮ್ಪಯುತ್ತಕಾನಂ ಮಗ್ಗಹೇತುಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. ಸಹಜಾತಾಧಿಪತಿ – ಮಗ್ಗಹೇತುಕಾ ಚ ಮಗ್ಗಾಧಿಪತೀ ಚ ಅಧಿಪತಿ ಸಮ್ಪಯುತ್ತಕಾನಂ ಮಗ್ಗಾಧಿಪತೀನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೪)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಹೇತುಕಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಮಗ್ಗಹೇತುಕಾ ಚ ಮಗ್ಗಾಧಿಪತೀ ಚ ಅಧಿಪತಿ ಸಮ್ಪಯುತ್ತಕಾನಂ ಮಗ್ಗಹೇತುಕಾನಞ್ಚ ಮಗ್ಗಾಧಿಪತೀನಞ್ಚ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೫)

ಅನನ್ತರಪಚ್ಚಯೋ

೩೬. ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಮಗ್ಗಾರಮ್ಮಣಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಮಗ್ಗಾರಮ್ಮಣಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಆವಜ್ಜನಾ ಮಗ್ಗಾರಮ್ಮಣಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಮಗ್ಗಾರಮ್ಮಣಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಮಗ್ಗಾಧಿಪತೀನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಆವಜ್ಜನಾ ಮಗ್ಗಾಧಿಪತೀನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೨)

ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಮಗ್ಗಾರಮ್ಮಣಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಮಗ್ಗಾರಮ್ಮಣಾನಞ್ಚ ಮಗ್ಗಾಧಿಪತೀನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಆವಜ್ಜನಾ ಮಗ್ಗಾರಮ್ಮಣಾನಞ್ಚ ಮಗ್ಗಾಧಿಪತೀನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೩)

೩೭. ಮಗ್ಗಾಧಿಪತಿ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಮಗ್ಗಾಧಿಪತೀ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಮಗ್ಗಾಧಿಪತೀನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಮಗ್ಗಾಧಿಪತಿ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಮಗ್ಗಾಧಿಪತೀ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಮಗ್ಗಾರಮ್ಮಣಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೨)

ಮಗ್ಗಾಧಿಪತಿ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಮಗ್ಗಾಧಿಪತೀ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಮಗ್ಗಾರಮ್ಮಣಾನಞ್ಚ ಮಗ್ಗಾಧಿಪತೀನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೩)

೩೮. ಮಗ್ಗಾರಮ್ಮಣೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಮಗ್ಗಾರಮ್ಮಣಾ ಚ ಮಗ್ಗಾಧಿಪತೀ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಮಗ್ಗಾರಮ್ಮಣಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಮಗ್ಗಾರಮ್ಮಣೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಮಗ್ಗಾರಮ್ಮಣಾ ಚ ಮಗ್ಗಾಧಿಪತೀ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಮಗ್ಗಾಧಿಪತೀನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೨)

ಮಗ್ಗಾರಮ್ಮಣೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಮಗ್ಗಾರಮ್ಮಣಾ ಚ ಮಗ್ಗಾಧಿಪತೀ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಮಗ್ಗಾರಮ್ಮಣಾನಞ್ಚ ಮಗ್ಗಾಧಿಪತೀನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೩)

ಸಮನನ್ತರಪಚ್ಚಯಾದಿ

೩೯. ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ…ಪೇ… (ಅನನ್ತರಸದಿಸಂ) ಸಹಜಾತಪಚ್ಚಯೇನ ಪಚ್ಚಯೋ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನಿಸ್ಸಯಪಚ್ಚಯೇನ ಪಚ್ಚಯೋ… (ತೀಸುಪಿ ಸತ್ತರಸ ಪಞ್ಹಾ ಕಾತಬ್ಬಾ).

ಉಪನಿಸ್ಸಯಪಚ್ಚಯೋ

೪೦. ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಚ್ಚವೇಕ್ಖಣಾ ಪಚ್ಚವೇಕ್ಖಣಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಚ್ಚವೇಕ್ಖಣಾ ಪಚ್ಚವೇಕ್ಖಣಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಚ್ಚವೇಕ್ಖಣಾ ಪಚ್ಚವೇಕ್ಖಣಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೪೧. ಮಗ್ಗಹೇತುಕೋ ಧಮ್ಮೋ ಮಗ್ಗಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಮಗ್ಗಹೇತುಕೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಆರಮ್ಮಣೂಪನಿಸ್ಸಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೨)

ಮಗ್ಗಹೇತುಕೋ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ…ಪೇ… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಮಗ್ಗಹೇತುಕೋ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಆರಮ್ಮಣೂಪನಿಸ್ಸಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೪)

ಮಗ್ಗಹೇತುಕೋ ಧಮ್ಮೋ ಮಗ್ಗಹೇತುಕಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ…ಪೇ… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

೪೨. ಮಗ್ಗಾಧಿಪತಿ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ…ಪೇ… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ಪಚ್ಚವೇಕ್ಖಣಾ ಪಚ್ಚವೇಕ್ಖಣಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಮಗ್ಗಾಧಿಪತಿ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಚ್ಚವೇಕ್ಖಣಾ ಪಚ್ಚವೇಕ್ಖಣಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಮಗ್ಗಾಧಿಪತಿ ಧಮ್ಮೋ ಮಗ್ಗಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ…ಪೇ… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಮಗ್ಗಾಧಿಪತಿ ಧಮ್ಮೋ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಚ್ಚವೇಕ್ಖಣಾ ಪಚ್ಚವೇಕ್ಖಣಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಮಗ್ಗಾಧಿಪತಿ ಧಮ್ಮೋ ಮಗ್ಗಹೇತುಕಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ…ಪೇ… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

೪೩. ಮಗ್ಗಾರಮ್ಮಣೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಚ್ಚವೇಕ್ಖಣಾ ಪಚ್ಚವೇಕ್ಖಣಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಮಗ್ಗಾರಮ್ಮಣೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಚ್ಚವೇಕ್ಖಣಾ ಪಚ್ಚವೇಕ್ಖಣಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಮಗ್ಗಾರಮ್ಮಣೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಚ್ಚವೇಕ್ಖಣಾ ಪಚ್ಚವೇಕ್ಖಣಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೪೪. ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಆರಮ್ಮಣೂಪನಿಸ್ಸಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೧)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ…ಪೇ… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ…ಪೇ… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಆರಮ್ಮಣೂಪನಿಸ್ಸಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೪)

ಮಗ್ಗಹೇತುಕೋ ಚ ಮಗ್ಗಾಧಿಪತಿ ಚ ಧಮ್ಮಾ ಮಗ್ಗಹೇತುಕಸ್ಸ ಚ ಮಗ್ಗಾಧಿಪತಿಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ…ಪೇ… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

ಆಸೇವನಪಚ್ಚಯೋ

೪೫. ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಮಗ್ಗಾರಮ್ಮಣಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಮಗ್ಗಾರಮ್ಮಣಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ.

ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾಧಿಪತಿಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ (ಅನನ್ತರಸದಿಸಂ. ನವ ಪಞ್ಹಾ ಕಾತಬ್ಬಾ, ಆವಜ್ಜನಾ ನ ಕಾತಬ್ಬಾ).

ಕಮ್ಮಪಚ್ಚಯಾದಿ

೪೬. ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ…ಪೇ… (ನಾನಾಕ್ಖಣಿಕಾ ನತ್ಥಿ, ಸತ್ತರಸ ಪಞ್ಹಾ ಕಾತಬ್ಬಾ).

ಆಹಾರಪಚ್ಚಯಾದಿ

೪೭. ಮಗ್ಗಾರಮ್ಮಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಝಾನಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಅತ್ಥಿಪಚ್ಚಯೇನ ಪಚ್ಚಯೋ (ಇಮೇ ಸತ್ತ ಪಚ್ಚಯಾ ಸತ್ತರಸ ಪಞ್ಹಾ ಹೇತುಸದಿಸಾ)… ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ (ಅನನ್ತರಸದಿಸಾ)… ಅವಿಗತಪಚ್ಚಯೇನ ಪಚ್ಚಯೋ (ಸತ್ತರಸ ಪಞ್ಹಾ).