೧. ವಿಭಙ್ಗವಾರೋ

ನಹೇತುಪಚ್ಚಯೋ

೨೯. ಅನಿಯತಂ ಧಮ್ಮಂ ಸಂಸಟ್ಠೋ ಅನಿಯತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅನಿಯತಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೧)

ನಅಧಿಪತಿಪಚ್ಚಯೋ

೩೦. ಮಿಚ್ಛತ್ತನಿಯತಂ ಧಮ್ಮಂ ಸಂಸಟ್ಠೋ ಮಿಚ್ಛತ್ತನಿಯತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಮಿಚ್ಛತ್ತನಿಯತೇ ಖನ್ಧೇ ಸಂಸಟ್ಠೋ ಮಿಚ್ಛತ್ತನಿಯತಾಧಿಪತಿ. (೧)

ಸಮ್ಮತ್ತನಿಯತಂ ಧಮ್ಮಂ ಸಂಸಟ್ಠೋ ಸಮ್ಮತ್ತನಿಯತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಸಮ್ಮತ್ತನಿಯತೇ ಖನ್ಧೇ ಸಂಸಟ್ಠೋ ಸಮ್ಮತ್ತನಿಯತಾಧಿಪತಿ. (೧)

ಅನಿಯತಂ ಧಮ್ಮಂ ಸಂಸಟ್ಠೋ ಅನಿಯತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅನಿಯತಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ….(೧)

ನಪುರೇಜಾತಪಚ್ಚಯಾದಿ

೩೧. ಸಮ್ಮತ್ತನಿಯತಂ ಧಮ್ಮಂ ಸಂಸಟ್ಠೋ ಸಮ್ಮತ್ತನಿಯತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಸಮ್ಮತ್ತನಿಯತಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಅನಿಯತಂ ಧಮ್ಮಂ ಸಂಸಟ್ಠೋ ಅನಿಯತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಅನಿಯತಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಮಿಚ್ಛತ್ತನಿಯತಂ ಧಮ್ಮಂ ಸಂಸಟ್ಠೋ ಮಿಚ್ಛತ್ತನಿಯತೋ ಧಮ್ಮೋ ಉಪ್ಪಜ್ಜತಿ ನಪಚ್ಛಾಜಾತಪಚ್ಚಯಾ (ಪರಿಪುಣ್ಣಂ).

ನಆಸೇವನಪಚ್ಚಯಾದಿ

೩೨. ಅನಿಯತಂ ಧಮ್ಮಂ ಸಂಸಟ್ಠೋ ಅನಿಯತೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಅನಿಯತಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಮಿಚ್ಛತ್ತನಿಯತಂ ಧಮ್ಮಂ ಸಂಸಟ್ಠೋ ಮಿಚ್ಛತ್ತನಿಯತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ, ನವಿಪಾಕಪಚ್ಚಯಾ (ಸಂಖಿತ್ತಂ).

ಅನಿಯತಂ ಧಮ್ಮಂ ಸಂಸಟ್ಠೋ ಅನಿಯತೋ ಧಮ್ಮೋ ಉಪ್ಪಜ್ಜತಿ ನಝಾನಪಚ್ಚಯಾ – ಪಞ್ಚವಿಞ್ಞಾಣಂ…ಪೇ… ನಮಗ್ಗಪಚ್ಚಯಾ – ಅಹೇತುಕಂ ಅನಿಯತಂ…ಪೇ….

ಸಮ್ಮತ್ತನಿಯತಂ ಧಮ್ಮಂ ಸಂಸಟ್ಠೋ ಸಮ್ಮತ್ತನಿಯತೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಸಮ್ಮತ್ತನಿಯತಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಅನಿಯತಂ ಧಮ್ಮಂ ಸಂಸಟ್ಠೋ ಅನಿಯತೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಅನಿಯತಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)