೧. ವಿಭಙ್ಗವಾರೋ

ಹೇತುಪಚ್ಚಯೋ

೨೮. ಪರಿತ್ತಂ ಧಮ್ಮಂ ಪಚ್ಚಯಾ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಿತ್ತಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ; ಏಕಂ ಮಹಾಭೂತಂ ಪಚ್ಚಯಾ…ಪೇ… ಉಪಾದಾರೂಪಂ, ವತ್ಥುಂ ಪಚ್ಚಯಾ ಪರಿತ್ತಾ ಖನ್ಧಾ. (೧)

ಪರಿತ್ತಂ ಧಮ್ಮಂ ಪಚ್ಚಯಾ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಮಹಗ್ಗತಾ ಖನ್ಧಾ. ಪಟಿಸನ್ಧಿಕ್ಖಣೇ ವತ್ಥುಂ ಪಚ್ಚಯಾ ಮಹಗ್ಗತಾ ಖನ್ಧಾ. (೨)

ಪರಿತ್ತಂ ಧಮ್ಮಂ ಪಚ್ಚಯಾ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಅಪ್ಪಮಾಣಾ ಖನ್ಧಾ. (೩)

ಪರಿತ್ತಂ ಧಮ್ಮಂ ಪಚ್ಚಯಾ ಪರಿತ್ತೋ ಚ ಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಅಪ್ಪಮಾಣಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೪)

ಪರಿತ್ತಂ ಧಮ್ಮಂ ಪಚ್ಚಯಾ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಮಹಗ್ಗತಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ವತ್ಥುಂ ಪಚ್ಚಯಾ ಮಹಗ್ಗತಾ ಖನ್ಧಾ. (೫)

೨೯. ಮಹಗ್ಗತಂ ಧಮ್ಮಂ ಪಚ್ಚಯಾ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಮಹಗ್ಗತಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಂ…ಪೇ…. (೧)

ಮಹಗ್ಗತಂ ಧಮ್ಮಂ ಪಚ್ಚಯಾ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಮಹಗ್ಗತೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೨)

ಮಹಗ್ಗತಂ ಧಮ್ಮಂ ಪಚ್ಚಯಾ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಮಹಗ್ಗತಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಂ…ಪೇ…. (೩)

ಅಪ್ಪಮಾಣಂ ಧಮ್ಮಂ ಪಚ್ಚಯಾ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪ್ಪಮಾಣೇ… ತೀಣಿ.

೩೦. ಪರಿತ್ತಞ್ಚ ಅಪ್ಪಮಾಣಞ್ಚ ಧಮ್ಮಂ ಪಚ್ಚಯಾ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪ್ಪಮಾಣೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ಪರಿತ್ತಞ್ಚ ಅಪ್ಪಮಾಣಞ್ಚ ಧಮ್ಮಂ ಪಚ್ಚಯಾ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪ್ಪಮಾಣಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ…. (೨)

ಪರಿತ್ತಞ್ಚ ಅಪ್ಪಮಾಣಞ್ಚ ಧಮ್ಮಂ ಪಚ್ಚಯಾ ಪರಿತ್ತೋ ಚ ಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಅಪ್ಪಮಾಣಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಅಪ್ಪಮಾಣೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೩)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಚ್ಚಯಾ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಸನ್ಧಿಕ್ಖಣೇ ತೀಣಿಪಿ ಕಾತಬ್ಬಾ).

ಆರಮ್ಮಣಪಚ್ಚಯಾದಿ

೩೧. ಪರಿತ್ತಂ ಧಮ್ಮಂ ಪಚ್ಚಯಾ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪರಿತ್ತಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಚ್ಚಯಾ ಖನ್ಧಾ, ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಪರಿತ್ತಾ ಖನ್ಧಾ (ಅವಸೇಸಾ ಛ ಪಞ್ಹಾ ಹೇತುಪಚ್ಚಯಸದಿಸಾ ಸತ್ತ ಕಾತಬ್ಬಾ), ಅಧಿಪತಿಪಚ್ಚಯಾ (ಪಟಿಸನ್ಧಿ ನತ್ಥಿ, ಸತ್ತರಸ ಪಞ್ಹಾ ಪರಿಪುಣ್ಣಾ), ಅನನ್ತರಪಚ್ಚಯಾ…ಪೇ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೩೨. ಹೇತುಯಾ ಸತ್ತರಸ, ಆರಮ್ಮಣೇ ಸತ್ತ, ಅಧಿಪತಿಯಾ ಸತ್ತರಸ, ಅನನ್ತರೇ ಸತ್ತ, ಸಮನನ್ತರೇ ಸತ್ತ, ಸಹಜಾತೇ ಸತ್ತರಸ, ಅಞ್ಞಮಞ್ಞೇ ನವ, ನಿಸ್ಸಯೇ ಸತ್ತರಸ, ಉಪನಿಸ್ಸಯೇ ಸತ್ತ, ಪುರೇಜಾತೇ ಸತ್ತ, ಆಸೇವನೇ ಸತ್ತ, ಕಮ್ಮೇ ಸತ್ತರಸ, ವಿಪಾಕೇ ಸತ್ತರಸ, ಆಹಾರೇ ಸತ್ತರಸ, ಇನ್ದ್ರಿಯೇ ಝಾನೇ ಮಗ್ಗೇ ಸತ್ತರಸ, ಸಮ್ಪಯುತ್ತೇ ಸತ್ತ, ವಿಪ್ಪಯುತ್ತೇ ಸತ್ತರಸ, ಅತ್ಥಿಯಾ ಸತ್ತರಸ, ನತ್ಥಿಯಾ ಸತ್ತ, ವಿಗತೇ ಸತ್ತ, ಅವಿಗತೇ ಸತ್ತರಸ (ಏವಂ ಗಣೇತಬ್ಬಂ)

ಅನುಲೋಮಂ.