೧. ವಿಭಙ್ಗವಾರೋ

ನಹೇತುಪಚ್ಚಯೋ

೩೬. ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಉಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಉಪಾದಿನ್ನುಪಾದಾನಿಯಂ ಏಕಂ ಖನ್ಧಂ ಪಚ್ಚಯಾ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ; ವತ್ಥುಂ ಪಚ್ಚಯಾ ಅಹೇತುಕಾ ಉಪಾದಿನ್ನುಪಾದಾನಿಯಾ ಖನ್ಧಾ. (೧)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಉಪಾದಿನ್ನುಪಾದಾನಿಯೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ವತ್ಥುಂ ಪಚ್ಚಯಾ ಅಹೇತುಕಾ ಅನುಪಾದಿನ್ನುಪಾದಾನಿಯಾ ಖನ್ಧಾ; ವತ್ಥುಂ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೨)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಉಪಾದಿನ್ನುಪಾದಾನಿಯೋ ಚ ಅನುಪಾದಿನ್ನುಪಾದಾನಿಯೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಉಪಾದಿನ್ನುಪಾದಾನಿಯಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ…. (೩)

ಅನುಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅನುಪಾದಿನ್ನುಪಾದಾನಿಯಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ ಏಕಂ ಮಹಾಭೂತಂ…ಪೇ… ರೂಪಂ; ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಉಪಾದಿನ್ನುಪಾದಾನಿಯೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಅಹೇತುಕಂ ಅನುಪಾದಿನ್ನುಪಾದಾನಿಯಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ; ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನಆರಮ್ಮಣಪಚ್ಚಯೋ

೩೭. ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಉಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ (ಸಂಖಿತ್ತಂ).

ನಅಧಿಪತಿಪಚ್ಚಯೋ

೩೮. ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಉಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಉಪಾದಿನ್ನುಪಾದಾನಿಯಂ ಏಕಂ ಖನ್ಧಂ ಪಚ್ಚಯಾ…ಪೇ…. (೧)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಉಪಾದಿನ್ನುಪಾದಾನಿಯೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ವತ್ಥುಂ ಪಚ್ಚಯಾ ಅನುಪಾದಿನ್ನುಪಾದಾನಿಯಾ ಖನ್ಧಾ. (೨)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯಾ ಅಧಿಪತಿ. (೩)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಉಪಾದಿನ್ನುಪಾದಾನಿಯೋ ಚ ಅನುಪಾದಿನ್ನುಪಾದಾನಿಯೋ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ಉಪಾದಿನ್ನುಪಾದಾನಿಯಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ…. (೪)

ಅನುಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ. (ಏಕಾ ಪಞ್ಹಾ.)

ಅನುಪಾದಿನ್ನಅನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅನುಪಾದಿನ್ನಅನುಪಾದಾನಿಯೇ ಖನ್ಧೇ ಪಚ್ಚಯಾ ಅನುಪಾದಿನ್ನಅನುಪಾದಾನಿಯಾ ಅಧಿಪತಿ. (೧)

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನಅನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನ ಅಧಿಪತಿಪಚ್ಚಯಾ – ಅನುಪಾದಿನ್ನಅನುಪಾದಾನಿಯೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಅನುಪಾದಿನ್ನಅನುಪಾದಾನಿಯಾ ಅಧಿಪತಿ. (೧)

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಉಪಾದಿನ್ನುಪಾದಾನಿಯೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಅನುಪಾದಿನ್ನುಪಾದಾನಿಯಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ. (೧)

ನಅನನ್ತರಪಚ್ಚಯಾದಿ

೩೯. ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಉಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ… ನಪುರೇಜಾತಪಚ್ಚಯಾ… ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ…ಪೇ….

ನಕಮ್ಮಪಚ್ಚಯೋ

೪೦. ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವತ್ಥುಂ ಪಚ್ಚಯಾ ಅನುಪಾದಿನ್ನುಪಾದಾನಿಯಾ ಚೇತನಾ. (೧)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವತ್ಥುಂ ಪಚ್ಚಯಾ ಕುಸಲಾ ಅನುಪಾದಿನ್ನಅನುಪಾದಾನಿಯಾ ಚೇತನಾ. (೨)

ಅನುಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಅನುಪಾದಿನ್ನುಪಾದಾನಿಯೇ ಖನ್ಧೇ ಪಚ್ಚಯಾ ಅನುಪಾದಿನ್ನುಪಾದಾನಿಯಾ ಚೇತನಾ. ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ ಏಕಂ ಮಹಾಭೂತಂ ಪಚ್ಚಯಾ…ಪೇ…. (೧)

ಅನುಪಾದಿನ್ನಅನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಕುಸಲೇ ಅನುಪಾದಿನ್ನಅನುಪಾದಾನಿಯೇ ಖನ್ಧೇ ಪಚ್ಚಯಾ ಅನುಪಾದಿನ್ನಅನುಪಾದಾನಿಯಾ ಚೇತನಾ. (೧)

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನಅನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಕುಸಲೇ ಅನುಪಾದಿನ್ನಅನುಪಾದಾನಿಯೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಅನುಪಾದಿನ್ನಅನುಪಾದಾನಿಯಾ ಕುಸಲಾ ಚೇತನಾ. (೧)

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಅನುಪಾದಿನ್ನುಪಾದಾನಿಯೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಅನುಪಾದಿನ್ನುಪಾದಾನಿಯಾ ಚೇತನಾ. (೧)

ನವಿಪಾಕಪಚ್ಚಯೋ

೪೧. ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಉಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಅಸಞ್ಞಸತ್ತಾನಂ ಏಕಂ ಮಹಾಭೂತಂ ಪಚ್ಚಯಾ…ಪೇ… (೧).

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ; ವತ್ಥುಂ ಪಚ್ಚಯಾ ಅನುಪಾದಿನ್ನುಪಾದಾನಿಯಾ ಖನ್ಧಾ. (೨)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ವತ್ಥುಂ ಪಚ್ಚಯಾ ಕುಸಲಾ ಅನುಪಾದಿನ್ನಅನುಪಾದಾನಿಯಾ ಖನ್ಧಾ. (೩)

ಅನುಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ… ಏಕಾ.

ಅನುಪಾದಿನ್ನಅನುಪಾದಾನಿಯಂ ಧಮ್ಮಂ ಪಚ್ಚಯಾ… ತೀಣಿ.

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನಅನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ. (ಸಂಖಿತ್ತಂ.)

ಅನುಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನಅನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ. (ಸಂಖಿತ್ತಂ.)

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಅನುಪಾದಿನ್ನುಪಾದಾನಿಯಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ.

ನಆಹಾರಪಚ್ಚಯಾದಿ

೪೨. ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಉಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ನಆಹಾರಪಚ್ಚಯಾ… ನಇನ್ದ್ರಿಯಪಚ್ಚಯಾ… ನಝಾನಪಚ್ಚಯಾ… ನಮಗ್ಗಪಚ್ಚಯಾ… ನಸಮ್ಪಯುತ್ತಪಚ್ಚಯಾ… ನವಿಪ್ಪಯುತ್ತಪಚ್ಚಯಾ… ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ (ಸಂಖಿತ್ತಂ).