೧. ವಿಭಙ್ಗವಾರೋ

ಹೇತುಪಚ್ಚಯೋ

೩೦. ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಉಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಿನ್ನುಪಾದಾನಿಯಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ; ಏಕಂ ಮಹಾಭೂತಂ ಪಚ್ಚಯಾ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಚ್ಚಯಾ ಕಟತ್ತಾರೂಪಂ ಉಪಾದಾರೂಪಂ; ವತ್ಥುಂ ಪಚ್ಚಯಾ ಉಪಾದಿನ್ನುಪಾದಾನಿಯಾ ಖನ್ಧಾ. (೧)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಿನ್ನುಪಾದಾನಿಯೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ವತ್ಥುಂ ಪಚ್ಚಯಾ ಅನುಪಾದಿನ್ನುಪಾದಾನಿಯಾ ಖನ್ಧಾ. (೨)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯಾ ಖನ್ಧಾ. (೩)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಉಪಾದಿನ್ನುಪಾದಾನಿಯೋ ಚ ಅನುಪಾದಿನ್ನುಪಾದಾನಿಯೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಉಪಾದಿನ್ನುಪಾದಾನಿಯಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ…. (೪)

೩೧. ಅನುಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಏಕಾ.

ಅನುಪಾದಿನ್ನಅನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನಅನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅನುಪಾದಿನ್ನಅನುಪಾದಾನಿಯಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ. (೧)

ಅನುಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನಅನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅನುಪಾದಿನ್ನಅನುಪಾದಾನಿಯೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪಾದಿನ್ನುಪಾದಾನಿಯೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಅನುಪಾದಿನ್ನುಪಾದಾನಿಯಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ. (೧)

ಆರಮ್ಮಣಪಚ್ಚಯೋ

೩೨. ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಉಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಉಪಾದಿನ್ನುಪಾದಾನಿಯಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಚ್ಚಯಾ ದ್ವೇ ಖನ್ಧಾ; ಪಟಿಸನ್ಧಿಕ್ಖಣೇ ಉಪಾದಿನ್ನುಪಾದಾನಿಯಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಚ್ಚಯಾ ದ್ವೇ ಖನ್ಧಾ; ವತ್ಥುಂ ಪಚ್ಚಯಾ ಖನ್ಧಾ; ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ; ವತ್ಥುಂ ಪಚ್ಚಯಾ ಉಪಾದಿನ್ನುಪಾದಾನಿಯಾ ಖನ್ಧಾ. (೧)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ಅನುಪಾದಿನ್ನುಪಾದಾನಿಯಾ ಖನ್ಧಾ. (೨)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯಾ ಖನ್ಧಾ. (೩)

ಅನುಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅನುಪಾದಿನ್ನುಪಾದಾನಿಯಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಚ್ಚಯಾ ದ್ವೇ ಖನ್ಧಾ. (೧)

ಅನುಪಾದಿನ್ನಅನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅನುಪಾದಿನ್ನಅನುಪಾದಾನಿಯಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಚ್ಚಯಾ ದ್ವೇ ಖನ್ಧಾ. (೧)

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನಅನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅನುಪಾದಿನ್ನಅನುಪಾದಾನಿಯಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ. (೧)

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅನುಪಾದಿನ್ನುಪಾದಾನಿಯಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ. (೧)

ಅಧಿಪತಿಪಚ್ಚಯೋ

೩೩. ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ಅನುಪಾದಿನ್ನುಪಾದಾನಿಯಾ ಖನ್ಧಾ. (೧)

ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ಅನುಪಾದಿನ್ನಅನುಪಾದಾನಿಯಾ ಖನ್ಧಾ. (೨)

ಅನುಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ… ಏಕಾ.

ಅನುಪಾದಿನ್ನಅನುಪಾದಾನಿಯಂ ಧಮ್ಮಂ ಪಚ್ಚಯಾ… ತಿಸ್ಸೋ.

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನಅನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ…ಪೇ… ಅಧಿಪತಿಪಚ್ಚಯಾ…ಪೇ…. (೧)

ಅನುಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನಅನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ…ಪೇ… ಅಧಿಪತಿಪಚ್ಚಯಾ. (೧)

ಉಪಾದಿನ್ನುಪಾದಾನಿಯಞ್ಚ ಅನುಪಾದಿನ್ನುಪಾದಾನಿಯಞ್ಚ ಧಮ್ಮಂ ಪಚ್ಚಯಾ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಅನುಪಾದಿನ್ನುಪಾದಾನಿಯಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ. (೧)

ಅನನ್ತರಪಚ್ಚಯೋ

೩೪. ಉಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಉಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಅನನ್ತರಪಚ್ಚಯಾ.

(ಚತುವೀಸತಿಪಚ್ಚಯಾ ವಿತ್ಥಾರೇತಬ್ಬಾ, ಅವಿಗತಪಚ್ಚಯಾ.)